This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rohe1

1. [Papatūānuku] ing. He rārangi, he tohu, he aha atu rānei e wehe ana i tētahi mea i tētahi atu. Kāore hoki a Īhaka i mōhio ki ngā rohe o taua poraka, engari anō tō mātau koroua, a Te Teira Rore. Nāna i whakahua haere te rohe, ka mōhiotia te poraka o Nūhaka Nama Tahi (HP 31).  kotinga

2. [Papatūānuku] He wehenga whenua kua tautuhia ōna paenga, ōna pou tarāwaho. (i) Mehemea ka karangatia he huihuinga nui i te rā nei, ki ētahi o ngā marae o roto i te rohe pōtae o Wairarapa, me waiho atu mā Te Hani kei taua marae e karakia te katoa, ā mutu noa taua hui (PH 3, 9). (ii) Nō reira, ko te āhua tonu i tupu mai taua iwi i ngā rohe o Te Tai Rāwhiti, arā ki Ngāti Awa rā, ki Ngāti Porou me ō rātou kaokao (B 9). {taiao, tainga, taiwhenua, takiwā, tapere, tarawaha, tiriwā}

3. ‑a ‑nga [Tūmatauenga] mahw, ing, āhua. Ka tohu (i tētahi pito whenua) ki te pou tarāwaho, kia noho motuhake mai (i ētahi atu whenua); ka tohu (i tētahi atu hanga) kia noho motuhake mai. Ko te rangi tēnei i rohea e Tāne (W 344).  roherohe (1)

rohe2

1. [Tāne] ing. He kete iti hei pupuri kai mā te mōkai kākā. Ko te rohe he mea tā ki te muka (W 345).  tōrehe (2)

2. [Tāne] He kupenga iti ka kuhuna ki te waha o te hīnaki kia kore ai ngā tuna e puta.

3. [Tāne] ing, āhua. He momo pārekereke whai uhi mō ngā waewae. Ki te mau rohe koe, kāore ō waewae e tū i te ongaonga, e mamae rānei i te kōhatu.