This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rehu1

1. [Ranginui] ing, āhua. He huinga pata wai moroiti mano tini ka iri mai ki te hau takiwā, ka pātata tonu ki te mata o te whenua te iri mai. Whakamataku ana te iri mai o te rehu i te uru rākau.  kohu1

2. [Tangaroa] ing. He kōpata wai tai ririki ka rere ki te hau takiwā i te ākinga a te hau. (i) Tēnei ka puta mai, i runga i ngā moana me ngā rehu o te tai (Pi 58, wh10). (ii) Pūhia e te hau ki runga o Pukekāhu, ka ngaro ia i te rehu tai (WM 12b, 12).  rehutai (1)

3. [Papatūānuku] ing, āhua. He maramara maroke tino moroiti rawa atu (o te oneone, o te aha atu). Ki te uru tērā rehu kino ki ō pūkahukahu, tērā ka māuiui koe.  puehu (1)

4. ‑nga [Ranginui & Papatūānuku] mahp, ing, āhua. Ka ngaro atu ki tua o tētahi mea, ka ngaro i te tirohanga kanohi. Nāwai rā ka rehu te kaipuke i te pae o te rangi.  nunumi (1)

rehu2

1. [Rongo] ing. He taonga puoro ka purua, ka taupokina rānei tētahi pito, kotahi te wenewene pupuhi kei te pito whakarunga, e toru ngā wenewene hei pokipoki kei te pito whakararo.

2. ‑a ‑nga [Rongo] mahw, ing, āhua. Ka whakatangi i te pū whakatangitangi.

3. ‑a ‑nga [Tūmatauenga] Ka whakaputa kupu me te whai o te oro o te kupu i tētahi rangi. Tēnā rehua mai te waiata i ako ai kōrua i te kura.  waiata (1)

rehu3

1. [Papatūānuku] ing. He kōhatu mārō whai takawai, he māene he kiwikiwi te āhua, kia pātukia ki te rino ka puta he kora. Ko aua kōhatu, te āhua he rehu tētahi (W 334).  kiripaka (1)

2. ‑a ‑nga [Tūmatauenga] mahw, ing, āhua. Ka pātukituki (i tētahi hanga mōwhakiwhaki) kia wehe mai ai he maramara, he kongakonga. Erangi te kōwhatu, ka rehua, ka ngāwhara (W 334).  paopao1 (1)