This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rau1

1. [Tāne] ing. Tētahi pihinga pāraharaha ka puta ake i te tā, i ngā peka rānei o tētahi tupu, o tētahi rākau rānei, he kākāriki te nuinga. (i) Kei te katokato rau ngā kererū hei kai mā rātau. (ii) E kai ana i ngā rau o tētahi rākau nunui me te makomako te āhua (WMAo 6, wh2). (iii) Ngahoro ai ngā rau o ētahi rākau i te ngahuru.  whā2 (1)

rau o Huna [Tāne] He harakeke pai te tarapī o te muka. Phormium tenax. {(rau o Pāpoua)}

rau o Mauri [Rongo] He huawhenua nunui ngā raupaka, he roa ngā tātā, kainga ai ko ngā rau me te hua tōpuku ka tupu i raro i te whenua, he tino kai ki ngā iwi huri i Te Moana-nui-a-Kiwa, he kai māngaro. Colocasia antiquorum.  taro2

rau o Pāpoua [Tāne] He harakeke pai te tarapī o te muka. Phormium tenax.  (rau o Huna)

2. [Tūmatauenga] Te wāhi pāraharaha, te wāhi māeneene o te rākau whawhai, he koi te tapa o ētahi. (i) Na, e hoa mā, he rawe te mahi a ngā tamāhine, a te tangata, wiri ana te tinana, kapakapa ana te rau o te taiaha (PH 1, 1). (ii) Ko te rangatira kaitaotao i te taha mauī o te matua e whakakapakapa ana i te rau o tana mere (WM 12b, 13). (iii) Kei te whakakoi i te rau o tana naihi. {uruuru2}

3. [Tāne] He hanga papatahi ka tipu mai i te kiri o te manu, he tātā piako āhua mārō kei waenganui, he weu e rere ana i ngā taha e rua. Mātua tītiti te rau o te huia, te rau o tītapu (W 328).  huruhuru (3)

rau2

1. [Tāne] ing. He tau nui, tekau ngā tekau, ko te 100 tōna tohutau. (i) E whakaarotia ana he tino huritau te kotahi rau tau o te tangata, o te kura, o te tāone, o te aha. (ii) He tapeke autaia tonu te whā rau i te kēmu kirikiti.

2. [Tāne] He huinga tāngata tino tokomaha. Ka tae atu te rau ki te whare pāremata, ka tāpae i tā rātou petihana ki te aroaro o ngā minita.  tini1 (2)

rau3

1. ‑a ‑nga [Tūmatauenga] mahw, ing, āhua. Ka hopu ki te kupenga. Ka haere māua ki te rau matamata, ehara, kī ana tā māua pākete.  hao (1)

2. ‑a ‑nga [Tāne] Ka mahi kia whīwhiwhi, kia mau tētahi mea. Taihoa koe ka raua e ngā kawekawe o te kaupapa nei, ka mau!  porowhīwhiwhi

3. ‑a ‑nga [Tūmatauenga] Ka whakatakoto atu, ka whakanoho atu, ka whakaemi atu (i ētahi mea) ki roto i tētahi hanga. (i) Ka marū ngā manu ka raua ki roto i te tahā hue, ki roto rānei i te pātua tōtara (Wh 32, 1). (ii) Hei aha te horoi ā-ringa i ngā utauta - me rau atu ki te mīhini. (iii) Ka raua atu te Pīhopa ki te hōhipera i Rotorua. I kitea e ngā rata he tapahi te mea e tika ana (TT 106, wh2106). {kohi1 (2)}

4. ‑nga [Ranginui & Papatūānuku] āhua, ing, mahp. E whakamā ana, e whīwhiwhi ana rānei ngā whakaaro, e pōkaikaha ana rānei. (i) Kātahi nei hoki ka rau aku mahara (W 328). (ii) Kauaka rā ngē au hei rorea rautia ki te kōrero (W 328).

rau4

‑nga [Tāne] mahp, ing, āhua. Ka totoro ake, ka whakaroa ake, ka roa ake. Ka rau Ōmere ki waho (W 328).  toro1 (2)