This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



raruraru

1. ‑nga ‑tanga rarunga [Ranginui & Papatūānuku] mahp, ing, āhua. Ka pā tētahi āhuatanga e puta ai he hua āhua kino ki te tangata, e kīia ai rānei i mahia e ia tētahi mahi kāore i tika. E mōhiotia ana kei te raruraru koe, me pēhea tā mātou āwhina atu?  raru (1)

2. ‑nga ‑tanga rarunga [Ranginui & Papatūānuku] Ka hē ngā whakaaro i te mea kāore e mōhio he aha te aha, me aha rānei. Raruraru pai au i te whanonga a tērā rā - he rangi kē, he kōrero kē.  pōraruraru (1)

3. ‑nga ‑tanga rarunga [Tūmatauenga] Kua uaua, kua āhua hē rānei te haere, te mahi, ngā whakaaro, te aha atu, nā te nui o te kawenga kei runga (i te tangata, i te aha atu rānei). (i) Ka raruraru rātou i a au, i taku kaha pōturi. (ii) Kei te raruraru au i te ata nei, engari ka wātea ā te ahiahi nei. (iii) Kei te raruraru katoa ōna mahara i te kore kai hei whāngai i tana whānau.  raru (2)

4. ‑nga ‑tanga rarunga [Ranginui & Papatūānuku] Ka pōuri i te kore o te hiahia, o te wawata, o te tūmanako e eke, e tutuki. Ka raruraru ngā rangatira o runga i a Te Arawa mō te maumaunga o ā rātou kura i pangā atu rā ki te wai (W 327).  matekiri

5. [Ranginui & Papatūānuku] ing, āhua. He āhuatanga e māharahara ai te tangata, i te mea e whakauaua ana i tētahi mahi, i tana noho rānei. E pōkaikaha ana i ngā raruraru kua tau ki runga i tana whānau. {, huka1 (5), inati, māreherehe, rararu, raru}