This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



raru

1. ‑nga [Ranginui & Papatūānuku] mahp, ing, āhua. Ka pā tētahi āhuatanga e puta ai he hua āhua kino ki te tangata, e kīia ai rānei i mahia e ia tētahi mahi kāore i tika. (i) E raru ana au i ngā tohutohu whakakā i te mīhini nei. Tē haruru, tē aha. (ii) Kua raru au, i te mea kua mōhio taku rangatira ko au te mea i hari kōrero ki te ao pāpāho mō ngā mahi rerekē i tō mātou tari. {, rararu, raruraru}

2. ‑nga [Tūmatauenga] Kua uaua, kua āhua hē rānei te haere, te mahi, ngā whakaaro, te aha atu, nā te nui o te kawenga kei runga (i te tangata, i te aha atu rānei). (i) Kua raru koe i a au! Nāku i hoatu tō ingoa ki a rātou, me te kī kāore i tua atu i a koe mō taua mahi. (ii) Kua raru te hipi i te tātarāmoa kua mau atu ki tana tuarā. {pūheki, pūwheki, rararu, raruraru, rorerore}

3. ‑nga [Ranginui & Papatūānuku] Ka pōuri i te kore o te hiahia, o te wawata, o te tūmanako e eke, e tutuki. Ka raru ōna kaumātua i te rongo kua taka atu anō ia ki te hē.  matekiri

4. ‑nga [Ranginui & Papatūānuku] Ka hē ngā whakaaro i te mea kāore e mōhio he aha te aha, me aha rānei. Kua raru noa iho ngā whakaaro.  pōraruraru (1)

5. [Ranginui & Papatūānuku] ing, āhua. He āhuatanga e māharahara ai te tangata, i te mea e whakauaua ana i tētahi mahi, i tana noho rānei. E noho ana tāua, e tama, i te raru, i te pani (NM3 269, 1).  raruraru (5)