This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rarahu

1. rahua ‑nga ‑tanga [Tūmatauenga] mahw, ing, āhua. Ka rere ngā ringa, ki te kapo, ki te pupuri (i tētahi mea) kia mau itaita. (i) Ka rarahu tō ringa he hua manehurangi hei whakakakara (W 175). (ii) Kei rahua aku whenua i tāwāhi i au e ngaro mai ana i konei (Wa 5, 15).

2. rahua ‑nga ‑tanga [Tūmatauenga] Ka tūkino (i te tangata, i tētahi mea rānei), kāore e āta tiaki, e āta whāwhā atu i runga i te tūpato, i te ngākau pai. (i) Nāna anō i paremo noa i mate ai, ehara i te mea i rahua a ia e te tangata i mate ai (Wa 4, 48). (ii) Ka kite te Kāpene kua puta ake ana tini Pākehā ki runga, ka kī a ia kia kaua ngā poti e rahua e rātou, kei pakaru (Wa 5, 44). (iii) Kia tūpato, e hine, kei rahua koe. (iv) He rarahu kino nā rātou i ētahi o te iwi. Ā i ētahi rā i rumakina e rātou tētahi wahine ki te wai (Wa 2, 23).

3. ‑nga ‑tanga [Tāwhirimātea] mahp, ing, āhua, tūkē. Ka haere i runga i te whāwhai, ka whāwhai rānei te mahi i tētahi mahi. Nā te rarahu i kore ai e oti pai te hanga o te whare.  tahuti (2)

rārahu

[Haumia] ing. He huruwhenua toro nuku. Pteridium esculentum.  rarauhe (1)