This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



raparapa1

1. [Tāne] ing. Te taha whakararo o te waewae. I mua atu o te mānunga, ka oreorea e Ruatapu he puta i te riu o te waka, āraia ana ki te raparapa o te waewae (KtKM 1, 3).  kapu (2)

2. [Tūmatauenga] Te wāhanga o te raiwhara, o tētahi atu momo pū rānei ka puritia e te ringa, e hono ana ki a ia te aramatā me te keu. I whakairotia te raparapa me te reke o ētahi o ngā pū o te iwi Māori o aua wā. {kaurapa}

3. [Tāne] Te wāhanga o te maihi e toro ana ki waho atu o te taha o te wharenui. Ko ngā raparapa ngā ringaringa, ngā matimati o te tupuna whare.

4. ‑nga [Ranginui] mahp, ing, āhua. Ka rite tonu te kohiko, te muramura. (i) Tuhi te uira, raparapa te uira (W 325). (ii) He hoe ka hurihuri, he hoe ka raparapa (W 325).  hikohiko (1)

5. ‑hia ‑tia ‑nga [Whiro] mahw, ing, āhua. Ka mahi i tētahi mahi e hōhā ai, e āhua riri ai tētahi atu, tērā pea nā te auau tonu o taua mahi. Ko te rite tonu o tana kōrero ki ana hoa i te waea te mea e raparapa nei i a au.  whakahōhā

raparapa2

‑nga [Ranginui & Papatūānuku] mahp, ing, āhua. Ka hē ngā whakaaro i te mea kāore e mōhio he aha te aha, me aha rānei. Waihoki ko ngā āpiha toko i te ora, he huhua ā rātou nā mahi ia rā, ia rā, kei te raparapa ō rātou whakaaro me tīmata rā ki whea, me tīmata rā ki whea (H 13).  pōraruraru (1)