This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rangi

1. [Ranginui] ing. Te takiwā i runga ake i a Papatūānuku e rere ai ngā kapua, e kitea ai te tini o ngā whetū me ngā aorangi. I ngā pō kapua kore, kitea ai ngā tini whetū e taukapo mai ana i te rangi. {hei4}

2. [Ranginui] Ngā kāinga kei runga rawa, kei te āteatanga i runga ake i te whenua, he atua, he wairua kei reira e noho ana. Ki ētahi, tekau mā rua ngā wāhi nei. (i) Piki ake Tāwhaki i te rangi tuatahi, i te rangi tuarua (W 323). (ii) Ko Te Toi-o-ngā-rangi te rangi ngahuru mā rua, koia te rangi tino tapu rawa atu, te kāinga o Io.

Rangi-nui-a-tāmaku [Ranginui] Te tuatahi o ngā rangi. {Kikorangi}

Rangitāmaku [Ranginui] Te tuarua o ngā rangi.

Rangiparauri [Ranginui] Te tuatoru o ngā rangi.

Rangimairekura [Ranginui] Te tuawhā o ngā rangi. {Hauora}

Rangitaurunui [Ranginui] Te tuarima o ngā rangi.

Rangimataura [Ranginui] Te tuawhitu o ngā rangi.

Rangimatawai [Ranginui] Te tuawaru o ngā rangi. {Aukumea}

Rangitewawana [Ranginui] Te tuaiwa o ngā rangi.

Rangi-nao-nao-ariki [Ranginui] Te tuangahuru, arā, te tekau, o ngā rangi.

Te Toi-o-ngā-rangi [Ranginui] Te tekau mā rua o ngā rangi. (i) I whakamārama mai a nehe mā i piki ētahi mā te toi huarewa ki Te Toi-o-ngā-rangi, arā ki tō runga rawa o ngā rangi tūhāhā (TT 25, wh6). (ii) Nāna hoki i tiki ngā kete o te wānanga i Te Toi-o-ngā-rangi, arā i Tikitiki-o-rangi (KRK 43). {Tikitiki-o-ngā-rangi, Tikitiki-o-rangi}

3. [Tāwhirimātea] Ngā tohu me ngā mahi a Tāwhirimātea, pērā i te hau, i ngā kapua, i te ua, i te kaha whiti o te rā me te pāmahana i tētahi takiwā. (i) Nā te rangi kino i kore ai mātou e haere (W 324). (ii) Kei te paki a konei. Kei te pēhea te rangi i konā?  huarere

4. [Ranginui] Te aonga me te pōnga kotahi; te wā e awatea ana. (i) E rua rangi i muri mai, i tāpuketia ia ki Te Wainui (TTR 4, 149). (ii) He rangi pai te rangi nei. I te kaha te whiti o te rā, he rangi wera (HP 20). {1 (2)}

rangi weherua [Ranginui] ing, mahp, āhua. Te pokapū o te pō; te tekau mā rua o ngā hāora i te pō.  waenganui (waenganui pō)

5. [Rongo] ing. He huinga rārangi, he wāhanga nō tētahi waiata. (i) Nā wai i tāpiri te rangi tuarua o te waiata nei? (ii) Kei puta ngā rangi mihi atu ki taku ipo (W 324).

6. [Rongo] Te rerenga o te tangi o te waiata; te rerenga o ngā oro o te waiata. (i) Ko te rangi o te waiata nei e kīia ana he rangi waiata kōauau (NM4 351, Kwm). (ii) Ko te rangi o te waiata he apakura, aroha ana ki te whakarongo atu (Pi 41, 7). (iii) Ko te tino hiahia o Te Reo Irirangi kia mutu te whātoro atu a te kaitito Māori i ngā rangi Pākehā, ā, ka tāpiri mai i āna ake kupu ki taua rangi (NWH 38).

7. [Tūmatauenga] He kaupapa ka whakatūria ki runga pou hei tūnga mō te tangata, e taea ai te whawhai i te hoariri e whakaeke ana i te pā.  pekerangi (3)

8. [Tūmatauenga] Te ia, te wairua (o te kōrero). Kāore ia i rata ki te rangi o ngā kōrero, he whakatumatuma nō te kaikōrero.   (6)

9. [Tāne] ing, āhua. Te wāhanga whakarunga o te tinana tangata, te wāhanga whakamua, whakarunga rānei o te tinana kararehe, kei reira ngā roro, ngā karu, te waha, ngā taringa me te ihu.  Reo mōteatea. A titi taku rangi te remu o te toroa (W 324).  upoko

10. [Tūmatauenga] ing. He taputapu i mahia ki te kareao, ki te aha atu, hei kaupare i te weronga mai a te tao i te whakatatanga atu ki ngā maioro o te pā.