This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



puoro

1. [Tūmatauenga] ing. He kupu whai rangi ka titoa hei whakaputa whakaaro mō tētahi kaupapa, mō tētahi tangata rānei. Takitakina rā, e Hora, te hū o te puoro, kia whai rā koe te tira te rōreka, kia mau ko te hā ki runga o Tōtara (NM3 209, 69).  waiata (2)

2. [Rongo] ing, āhua. hou. He mahi toi e honoa ai ētahi reo tangata, ētahi reo taonga whakatangitangi, e honoa ai ngā mea e rua rānei, ki te whakapuaki i tā te wairua, i tā te ngākau, i tā ngā kare ā-roto i hiahia whakaputa ai. (i) Nō reira kua kite tātau i puta mai ētahi o ngā puoro whakatangi a te Māori i roto i te mamae, i te aroha, i te riri, i te hanga pōuri o te mate, o te mokemoke, o te whakamomori (Wh 41, 7). (ii) I ēnei ngahurutanga tau nei kua whakaarahia ake anō ngā taonga puoro tūturu a te Māori. {pūoru}

3. ‑tanga [Tūmatauenga] mahp, ing, āhua. Ka whakaputa kupu me te whai o te oro o te kupu i tētahi rangi. Kia whaikōrero a Tame, he korokoro tūī, engari kia puoro, e tama, kua reo poraka tonu atu!  waiata (1)

4. ‑tanga [Rūaumoko] Ka haruru, ka tangi mārū. Pēnei e puoro ana te whare i te hipanga atu o te tereina.  ngunguru (4)