This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



punga1

1. [Whiro] ing. He puku ka puta ki te kiri, ka tupu rānei i roto o te tinana nā tētahi mate, nā te whara rānei. Ka haere kia tapahia mai te punga i tana ū.  tuapuku (2)

2. [Tāne] He wāhi (i te tinana) kua pupuhi. Ko te tino tohu o te mate tenga ki te titiro atu, ko te punga i te kakī.  uruhumu

3. [Tāne] Te wāhi e tūtaki ai ngā kōiwi i waenganui o te waewae, o te ringa rānei. Kāre e taea e au te oma i te kaha mamae o ngā punga o aku waewae.  pona (2)

4. [Papatūānuku] He hanga taumaha (pērā i te kōhatu, i te maitai) e mau ana ki te taura, ki tētahi atu mea rānei i runga i te waka, ka tukua ki te takere o te wai kia kore ai te waka e nuku. Tukua iho te punga, e tau ana i reira (W 310). {haika}

5. [Tāne] hou. Tētahi o ngā kupu iti o tētahi reo ka tū ki mua, ki muri i ngā kupu whai tikanga pērā i ngā tūmahi me ngā tūingoa, e oti mai ai he rerenga kōrero. Anei ētahi o ngā punga o te reo Māori: i, ki, kei, ka, e, a, he, te, mō, nā, taku.

6. [Tūmatauenga] He taputapu hopu tuna hanga kōrere te āhua, ka hoatu he mōunu ki roto ki te poapoa mai i ngā tuna. Ka haere anō a Māuiatamai rāua ko Māuiwareware ki te ngahere ki te tiki mākaka hei mahi punga tuna (W 310).  hīnaki

7. ‑tia ‑tanga [Tūmatauenga] mahw, ing, āhua. Ka tāmau ki te punga. Hei waho punga ai ō waka (W 311).

8. ‑ia ‑tia ‑tanga [Tangaroa] Ka mahi kia totohu (tētahi mea) ki raro i te wai, ki roto rawa rānei i tētahi atu hanga pērā i te oneone, i te aha atu. (i) Nui kē te pai ki a ia me i whakawerewerea ki tōna kakī te kōhatu mira kāihe, me i pungaia ia ki te rire o te moana (PT Mat 18.6). (ii) I pungaia te tangata ki te wai o te rā, i pungaia te tangata ki te one i Takawhiti (NM1 36, 14).

punga2

‑tanga [Tāne] āhua, ing, mahp. Rite ki te pua kōwhai, ki te rēmana maoa rānei te tae. He punga ngā karu o te hoiho, he tīpare punga anō tōna.  kōwhai (4)

pūnga

1. [Tūmatauenga] ing. Te hanga tonu nāna i pā ai tētahi āhuatanga, te hanga rānei e whakamārama ana he aha i pā ai tētahi āhuatanga. Ko tana kaha umere te pūnga o tōna reo whango.  take (3)

2. [Ranginui & Papatūānuku] Te wāhi, te tangata, te hanga rānei i tīmata mai ai, i ara ake ai tētahi mea. (i) Ko te reo o Rarotonga te pūnga o tā tātou kupu mō te kōkōnati, arā o te 'niu'. (ii) Ko te takahanga o ngā kupu o te Tiriti te pūnga o te matangurunguru o te iwi Māori i ngā tau whai i muri iho.  pūtake (3)