This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



puna

1. [Tangaroa] ing. He wai māori e pupū noa mai ana i te whenua. Haere ki te puna, tīkina he wai mōku. {kōmanawa, matatiki, (puna wai), waipuna}

puna wai [Tangaroa] He wai māori e pupū noa mai ana i te whenua. (i) He puna wai tō mātau. He tino makariri te wai. Ko te āhua nei, he wai pupū ake i te whenua (HP 18). (ii) He puna wai e utuhia, he wai kei aku kamo (NM2 134, 20).  puna (1)

2. [Ranginui & Papatūānuku] ing, āhua. Tētahi o ngā tāngata i heke mai ai te tangata i roto i ngā tātai whakapapa, i tua atu i ōna mātua ake me ērā atu o tō rāua whakatupuranga. Ko tērā tupuna te puna o ngā hapū katoa o tēnei takiwā.  tupuna

3. [Papatūānuku] ing. Te hoa rangatira o tētahi tāne. Kua hapū anō taku puna - ko tā māua tamaiti tuatoru tēnei.  wahine (2)

4. [Papatūānuku] He rua ka keria hei wāhi tao kai ki te kōhatu wera.  hāngi (1)

5. [Papatūānuku] ing, āhua. He arearenga i te whenua, i tētahi hanga, i tētahi mata rānei. Oma atu ana te rāpeti ki roto i te puna, whai atu ana te kurī i a ia.  rua2 (1)

6. ‑nga [Tangaroa] mahp, ing, āhua. Ka piki ake, ka pupū ake, ka toko ake (o te wai, o te roimata, o te kare ā-roto). Puna te roimata i paheke hū kei aku kamo (W 309).  māpuna2 (1)