This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



puke1

1. [Papatūānuku] ing. He wāhanga whenua e puku ake ana, e tairanga ake ana i te mata o te whenua, engari kāore i rite ki te maunga te teitei, te taratara rānei. (i) He puke kīhai i tairanga rawa te wāhi i tū ai taua pā (IwiT 55:14). (ii) Nō te hekenga iho i tērā taha, ka kite atu mātou i tētahi puke anō, hōhā noa iho mātou i te pikinga, otirā e taea hoki te aha (WM 9, 11). {hiwi2 (2), 4, karapuke, pukepuke, rangaranga1 (3), tapuke, tāpūpū, toroī2, toropuke, tuapuke}

puke hōpara [Papatūānuku] He ahunga oneone i whakatōkia ai te kūmara tuatahi me te mea whakamutunga, ko ngā hua ka whakamahia mō ētahi karakia.

2. [Papatūānuku] Te kiko mōmona tōpuku te hanga e noho mai ana i runga ake i te hononga o te himu. Ka mōhio tonu mātou ko wai kua huruhuru te puke, kua kore hoki e kau tahanga.

puke huruhuru [Tāne] ing, mahp. Te tohu kua wahine te kōtiro, kua whai huruhuru te puke, kua rere te awa o te atua, ka taea te whānau tamariki. Kua puke huruhuru, kua para katoa te kanohi.  pāhau1 (2)

puke2

1. ‑nga [Tangaroa] mahp, ing, āhua. Ka piki ake, ka pupū ake, ka toko ake (o te wai, o te roimata, o te kare ā-roto). (i) Otirā ka puke ake anō te wai, ka pakaru te tūtaki, ka whakangaromia ngā mea katoa e ārai ana i te rerenga nui o te wai (WM 10, 26). (ii) Koia i puke ake ai te ngākau, me tuku atu mā tā tātou manu e hari atu te rongo o te matenga o Aata Kanara (Pi 43, wh2).  māpuna2 (1)

2. ‑nga [Tāne] Ka whakahuahua karakia.  pupuke (2)

3. pukea ‑nga [Tangaroa] Kua piki haere, kua waipukehia (o te awa). (i) Kua puke te awa, nō reira rātou i hanga ai i ētahi maioro ki tētahi taha, ki tētahi taha (WM 9, 10). (ii) Ka pukea te wai ākuanei (W 307). {pupuke}

puke3

[Tāne] ing. He manu rahi noho wairepo, noho awa, noho kōawa, noho waikeri. Porphyrio porphyrio melanotus.  pūkeko (1)

puke4

[Tāne] ing. He waka tino nui haere aumoana, mā te pūkaha, mā te kōmaru rawa e neke ai.  Reo mōteatea. He whakarāpopototanga o te kupu kaipuke. Rā te puke te whakanamunamu mai rā i te pae.  kaipuke