This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



puka1

1. [Tāne] ing. He rākau e 8 mita te tupu, he tuawhiti, he tino nui ngā rau, he kōratarata a runga, he horotea te angamate, he pua karera tātā tūtika te tupu, he hua pango. Meryta sinclairii. {pukanui}

2. [Tāne] He rākau e 5 mita te tupu. Griselinia lucida.  akapuka

3. [Tāne] He rākau 15 mita te tupu. Syzygium maire.  maire1 (maire tawake)

4. [Tāne] He rākau 12 mita te tupu. Elaeocarpus hookerianus.  hīnau2

5. [Tāne] He taputapu whai kakau roa hei keri, hei ahu whenua, he papatahi te mata; i ngā rā o mua i mahia ki te rākau, i ēnei rā ka mahia ki te maitai. I whati te kakau o taku puka i a au e keri ana i te rua.  kāheru (1)

puka2

1. [Tāne] ing. reo kē. He whārangi, ētahi whārangi rānei e mau ana ngā tuhinga tohutohu, ngā pārongo, ngā āputa rānei hei tuhi kōrero atu mā te tangata; he pukapuka iti he pepa anō te uhi. (i) Ka mahia he puka pātai hei toha ki te Māori, ki iwi kē hoki, hei rapu whakaaro mō ēnei mahi. (ii) Ka riro pea mā ngā mātua me ngā kaitiaki e whakakī tētahi puka arotake.

2. [Tūmatauenga] hou. He pepa he tuhituhi, he pātai rānei e pā ana ki tētahi kaupapa kei runga, he wāhi anō e wātea ana hei whakauru kōrero atu mā te kaipānui. (i) Ka pānuitia te puka whakauru, kātahi ka whakakīhia atu ki ngā kōrero e rite ana. (ii) Ka whakakīia te puka hei tango moni i tana pūtea, ka hainatia, kātahi ka hoatu ki te kaimahi o te pēke. (iii) Ka tuhia atu ngā kōrero mōna ki te puka tono, ka tukuna atu ki te tari nāna te pānui.

pukā

1. ‑nga [Ranginui & Papatūānuku] mahp, ing, āhua. Ka kaha tonu te hiahia ki te mahi i tētahi mahi, ki te whai i tētahi kaupapa. E pukā ana te ngākau ki te haere, engari e turikore ana ngā waewae.  ngākaunui

2. ‑tanga [Whiro] Ka kaha hiahia ki a koe kē ngā taonga, ngā pūmanawa, ngā aha noa iho rānei a tētahi atu, me tō ngākau kawa anō ki a ia i tērā āhua. Mā te pukā ka kino te ngākau o te tangata, e kore e harikoa.  pūhaehae

3. ‑tanga [Tāne] Ka ngāngā i te pau o te hau. Ka pukā a ia i te omanga roa.  manawa (hē te manawa)

4. ‑tanga [Ranginui] Kua tino pau te hau - taha tinana, taha wairua rānei - i te whakapaunga kaha ki te mahi, i tētahi āhuatanga pēpēhi wairua rānei. Ka pukā taku manawa i te omanga (W 306).  tūrohi (2)

5. ‑tanga [Tāne] Ka puta te wai o te tinana i te kiri. E pukā ana ia i te taimaha o te mahi.  werawera (3)

6. ‑tanga [Tāne] āhua, ing, mahp. E koropungapunga ana, e kōpūtoitoi ana (o te rākau). He rimu pukā kei te ākau (W 306).

7. ‑tanga [Ranginui & Papatūānuku] E hōhā ana, e whakatakariri ana rānei i te roa rawa e tatari ana ki tētahi mea, arā, kāore i manawanui. Kua pukā noa iho i te nohoanga, kua hōhā (W 306).  kaikā (2)