This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



poto

1. ‑nga ‑tanga [Tāne] āhua, ing, mahp. Kāore i tawhiti mai i tētahi pito ki tētahi, mai i te pūtake ki te tihi, mai i ngā waewae rānei ki te tumuaki. (i) Kōhuatia ngā kahitua mō tētahi wā poto noa, kia huaki noa mai ai ngā anga. (ii) Kāore ia i kaha ki te tiki āporo māna, nā tana poto me te teitei rawa o te rākau. {kanepoto, pāpaku, pātehetehe, popoto, pore2, porepore, pōtehe, pōtehetehe, takupū, tukupoto}

2. ‑nga [Ranginui & Papatūānuku] maho, āhua. Kua ea, kua oti pai (tētahi mea), kāore he āhuatanga e hapa ana. (i) Poto noa ngā karakia i mahia rā ki a Hotupuku (W 297). (ii) Ka poto ngā manaaki a te tangata whenua i Tai Tokerau, ka tū mai tētahi o ngā kaumātua o te manuhiri (KRK 97). (iii) Ka poto katoa ngā ingoa te whakaatu te tuhituhi, ko reira pānuitia ai aua ingoa ki te hui (WM 11b, 24).

3. ‑nga [Ranginui & Papatūānuku] maho. Kua riro atu, kua ngaro atu ki tētahi wāhi, ā, e kore e hoki mai. (i) Tēnā rā koe i roto i ngā aituātanga o tō whānau kua poto atu ki te pō (PH 3, 23). (ii) Kua poto atu ngā utanga ki te wai, ouou nei i toe iho ki te waka (W 297). (iii) Kotahi te hapū e mōhiotia ana e ahau, ka toru ōna mano pāuna kua poto atu hei utu kaipuke (KtKM 5, 6).

4. [Tangaroa] ing. He punua ika. (i) He kōeaea, he matamata ētahi o ngā ingoa o te poto īnanga. (ii) He karatī te poto tāmure.