This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pore1

1. ‑nga [Ranginui & Papatūānuku] mahp, ing, āhua. Ka ohotata, ka hurihuri i te wā e moe ana. E pore ana i waenganui pō, aoake, kua ngenge tonu.

2. ‑a ‑nga [Ranginui & Papatūānuku] mahw, ing, āhua. Ka manako te ngākau ki tētahi mea, ki te mahi rānei i tētahi mahi. Ko te mate kē, he nui ake te warawara ki te tupeka i te pore kia mutu te kai tupeka.  hiahia (1)

pore2

1. ‑nga [Tāne] āhua, ing, mahp. Kāore i tawhiti mai i tētahi pito ki tētahi, mai i te pūtake ki te tihi, mai i ngā waewae rānei ki te tumuaki. Waiho atu ngā raupō pore nei, arā kē ngā mea papai, ko ngā mea roroa.  poto (1)

2. ‑nga [Tāne] Kua poto ake i te mea kua poroa tētahi pito. He waewae pore tōna, koinā i totitoti ai.  mutu (2)

pore3

1. ‑nga [Tāne] mahp, ing, āhua. reo kē. Ka tau atu, ka takoto atu (tētahi mea) ki te papa e tū rā ia. I taua wā ka takawhiwhi taku waewae katau ki taku tokotoko katau, ka pore au ki raro (HP 322).  hinga (1)

2. ‑nga [Ranginui] reo kē. Ka neke mai i tētahi wāhi o runga ake ki tētahi wāhi o raro atu, i te mea kua kore e puritia, e tautokona rānei ki taua wāhi teitei rā. (i) Kaua e tū ki te rōau nā - ka pore koe. (ii) Me ko au koutou, ka haere au ki te rapu i a ia ināianei - kua pore kē pea ki roto i te puare, kua whati te waewae, te kakī rānei (Wh 10, 3).  taka1