This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pora

1. [Tāne] ing. He waka rahi haere i te au o te moana. (i) He matau nāhaku, i ruia mai i runga o Rangiātea, i ngā pora rā, ē, i rere mai i tawhiti (W 293). (ii) Kīhai i tino tika te kupu a rātou katoa ki te pora i eke ai a Māui (W 293). {pahī2 (1)}

tangata pora [Tūmatauenga] He tangata kāore e mōhiotia ana, he tangata rānei kua tatū mai i whenua kē, i iwi kē, he rāwaho. Nō te kitenga i te Pākehā ka kīia e ngā mātua he tangata pora (PH 3, 20).  tauhou (3)

2. [Tāne] He waka tino nui haere aumoana, mā te pūkaha, mā te kōmaru rawa e neke ai. Kāore i whakaaetia kia ū mai ngā pora pūngao karihi ki Aotearoa.  kaipuke

3. [Tūmatauenga] He tangata kāore e mōhiotia ana, he tangata rānei kua tatū mai i whenua kē, i iwi kē, he rāwaho. I ētahi wā he māmā ake te whāki i ngā raruraru ki te pora, tēnā i te whāki ki ngā hoa.  tauhou (3)

4. [Tāne] He hanga papatahi ka rangā ki te harakeke, ki te aha atu, hei uhi ki te papa, ki hea atu rānei, hei moenga, hei nohoanga, hei aha atu. I whārikitia a roto i te whare ki te pora hei nōhanga mō te whānau.  whāriki (1)

whare pora [Tāne] He wāhi e whakaakona ai ngā āhuatanga katoa e pā ana ki te raranga kete, te whatu kākahu me ērā momo mahi; he kupu whakarite mō te wāhi, mō te ako hoki i ngā tauira ki tēnei mahi. Ko Hine-te-iwaiwa te tupuna wahine nāna ngā mahi katoa e pā ana ki te whare pora, te raranga me te whatu.

5. [Tāne] āhua, ing. E māmā ana te rōnaki o te tuanui, kāore i poupou. Kāore e pai te whare pora i ngā wāhi kaha te rere o te hukarere, i te mea ka pūkai te hukarere ki te tuanui.  pāparu

pora matanui [Tāne] āhua, ing, mahp. E māmā ana te rōnaki o te tuanui, kāore i poupou.  pāparu

6. [Ranginui & Papatūānuku] āhua. Nō wāhi kē, nō whenua kē. (i) Kua tokomaha ngā iwi pora i Tāmakimakaurau. (ii) He tikanga pora te mau kaka pango i te tangihanga - ehara i te tikanga Māori tūturu nei.  tawhiti1 (2)