This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pono1

1. ‑nga [Ranginui & Papatūānuku] āhua, ing, mahp, tūkē. E tūturu ana, ehara i te kimikimi, i te rūkahu rānei. (i) Nō te whāwhātanga atu o Te Pēhi mā, o Te Mete mā, i tika tonu atu aua kōrero rā ki tā rātou titiro; he kōrero pono katoa (B 142). (ii) Whakarongo mai e te iwi, ka pono taku kupu, kāhore aku hokinga atu ki te hē, kore rawa, kore rawa (Ha 1, 4).

2. ‑nga [Ranginui & Papatūānuku] I noho tuatahi mai, i noho taketake mai; e kore e uia tōna pūtakenga mai. Nā tāua anō i rapu he hoa mō tāua, he hoa pono, i piri tonu nei ki a tāua i ngā wā o te mate, i ngā wā o te ora, i ngā wā o te kino, i ngā wā o te pai (KRK 127).  tūturu1 (2)

3. ‑nga [Papatūānuku] āhua, ing, mahp. Tino pai ki te manaaki manuhiri, me te tuwhera tonu o te kāinga ki te tangata. Me kōrero te pono o tērā iwi - puta ana a pito i te pai o tā rātou manaaki i te tangata.  marae (4)

pono2

1. ‑a ‑nga ‑tanga [Tūmatauenga] mahw, ing, āhua. Ka matapōkere, ka pokerehū te pā atu, te pā mai, te eke, te tūtaki rānei. (i) Te ākinga atu a tōna ringaringa i te toki ki te tapahi i te rākau, na, kua maunu atu te rino i te kakau, pono tonu atu ki tōna hoa, ā mate iho (Ha 2, 8). (ii) Ka tika mai tētahi o ngā kōhatu mā taua mataaho, ka pono ki tētahi o aku rara. Waimarie, he moroiti noa iho (HP 168). (iii) He mea pono mai ki tōku aroaro (W 291).  tūpono

2. ‑a ‑nga [Tūmatauenga] Ka whakatoi atu me te wero ki te kupu. Ka ponoa atu e ngā wāhine, 'Kāhore ia tōu tāne e haere ki te mahi kai' (W 291).  tāwai2 (1)

3. ‑nga [Tūmatauenga] mahp, ing, āhua. Kua whakatinanatia, kua kitea ōna hua. (i) Kua pono katoa te ōhāki a tō tātou whaea i te kawanga o te whare nei. (ii) Kotahi rau e rua tekau o te Hauhau kua mate rawa, e waru tekau kua riro herehere mai. Na, kua pono tā mātou kōrero i kī ai mātou meake ka mate taua hunga Hauhau (WMA 5, 9).  tutuki (2)