This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pona

1. [Tāne] ing. He here āhua rite ki te pūreke ka oti mai ina kuhuna tētahi pito o te taura, o te aho, o tētahi hanga pērā rānei, ki roto atu i tētahi atu wāhanga ōna kua oti te whakakoropewa, me te kukume kia kikī. (i) Ko te pona o te tui a Kahukura he mea tītorea te pona (W 290). (ii) E toru ngā pona i te taura hei pupuri mā ngā waewae i te pikinga. {kono, ruru2 (5), tapona}

2. [Tāne] Te wāhi e tūtaki ai ngā kōiwi i waenganui o te waewae, o te ringa rānei. (i) Ko te turi te pona i te waewae, ko te tuke te pona i te ringaringa. (ii) Ko te pupuhi o ngā pona o ngā ringa te tohu kua pāngia e te mate kaikōiwi. {monamona, ponapona, punga1 (3)}

3. [Tāne] Te wāhi e whati ai te waewae ki te hīkoi, ki te oma, ki te noho. Hāunga ia tā te wahine Pākehā, kua tae nei ki ngā pona te potopoto o ngā panekoti (TT 83, wh815).  turi1 (1)

4. [Tāne] He weu kua kōmiroa, kua whiria kia ū, kia roa, kia kōrahirahi. Ka kuhua te pona a Whakatau ki te whare; puta noa ki tetahi taha (W 291).  aho1 (1)

5. ‑tia ‑tanga [Tūmatauenga] mahw, ing, āhua. Ka here kia oti mai ai he pona. Kaua e tīponatia ō hū - ka uaua rawa ki te wewete.  tīpona

6. ‑hia ‑tia ‑tanga [Tūmatauenga] Ka whakamau ki te aho, ki te taura, ki tērā momo hanga rānei, ka paihere rānei kia apiapi, kia raungaiti. E pona ana au i tēnei pito ki tēnā.  here (2)