This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pohewa1

1. ‑tanga [Ranginui & Papatūānuku] mahp, ing, āhua. Kāore i tika te whakaaro, ka whakaaro e pēnei ana, engari e pērā kē ana. Titiro ki te koroua rā e waha ana i te pēke raima - e pohewa ana kei te tamariki tonu.  pōhēhē (1)

2. ‑tia ‑tanga [Ranginui & Papatūānuku] mahw, ing, mahp, āhua, tūkē. Ka waihanga te hinengaro (i tētahi hanga), ka pōhēhē rānei te tangata kua kite, kua rongo ia i tētahi mea; te mea tonu ka waihangatia, ka kitea, ka rangona rānei. (i) Pohewa noa au, he ao māngi (W 287). (ii) He whakakake nō tōu ngākau i pohewa ai koe (PT Her 49.16). (iii) Ko tō aroha i haramai pohewa (W 287). (iv) 'E Tai. . . nō nākuanei tonu ka puta mai tētahi pohewa ki a au.' 'He aha te pohewa?' 'He momo whakaahua i roto i tō hinengaro' (Wh 52, 1).

3. ‑tia ‑tanga [Ranginui & Papatūānuku] tūkē, ing, mahp, āhua. Ā-wairua, i roto rānei i te moemoeā, i te tūruapō. (i) Ko tō aroha rā i haramai pohewa (W 287). (ii) He kitenga pohewa, kāore i tūturu.

pohewa2

[Tāne] ing. He hanga iti, he pāpaku, ka rangā ki te harakeke hei takotoranga kai maoa. E pūranga kau ana ngā pārō, ngā potitara, ngā pohewa (W 296).  rourou