This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pepe1

1. ‑tanga [Tāne] mahp, ing, āhua. Ka rērere i te hau takiwā me te tere anō, te māmā anō o te aroarowhaki (o ngā hanga pērā i ngā parirau o te pūrerehua). Ka mīharo ngā tamariki ki te tunga rere e pepe ana i te matapihi.  kakapa (3)

2. ‑nga [Tāne] Ka peke, ka tākaro i runga i te wairua ngahau pērā i te kūao kau, i te kūao hipi. Ka mōhiotia kua ora te reme i te māuiui ina tīmata ki te pepe i roto i te pātiki. {toa2, tuapa}

3. [Tāne] ing. He manu rahi noho mānawa, noho repo. Rallus philippensis.  moho (moho pererū)

4. [Tāne] He manu rere pō e whā ngā parihau whānui, he parauri, he hātea rānei ngā tae o te nuinga, kia whakangā kua pāraharaha ngā parihau; arā tana whanaunga tata ko te pūrerehua mumura rere awatea. Me uaua ka kitea te pepe tī kōuka nā te rite o ngā parirau ki ngā rau mate o taua rākau.  pūrerehua (1)

pepe tuna [Tāne] He pūrerehua rere ahiahi tino nui, he kākāriki, he parauri nga ōpurepure i ngā parirau o mua, he pākākā ngā mea o muri, he hanga iti iho te toa i te uwha, he kōtingotingo kei ngā parirau karera whānui. Aenetus virescens. {pepetuna}

5. [Tāne] He pepeke rere e 25-50 mirimita te roa. Prionoplus reticularis.  tunga1 (tunga rere)

pepe te muimui [Tāne] He pepeke rere e 25-50 mirimita te roa. Prionoplus reticularis.  tunga1 (tunga rere)

pepe takimanawa [Tāne] mahp, ing, āhua. He rerenga kōrero roa ka whakahuahuatia e te tamariki i te hā kotahi.  pepa1 (1)

pepe2

‑hia ‑tia ‑tanga [Tūmatauenga] mahw, ing, mahp, āhua. Ka poapoa i te manu kia whakatata mai mā te whakatau i tōna reo ki te rau rākau; te rau rākau ka whakamahia i tēnei mahi. He tohunga anō taku pāpā ki te pepe manu ki te rau karamū.

pepe3

‑tanga [Ranginui & Papatūānuku] mahp, ing, āhua, tūkē. Ka piri tata, tētahi ki tētahi. Kia pepe te haere, kaua e toiroa.  pūputu (1)

pepe tāmure [Tangaroa] ing. He tāmure e pīpī tonu ana. Pagrus auratus.  karatī

pēpē1

1. ‑tanga [Tūmatauenga] āhua, ing, mahp. Kua pēhia ki tētahi taputapu kia kōpē rawa. I ngā rā o mua waiho ai mā te waewae tangata tonu e takahi ngā wāina kia pēpē rawa.  penupenu (3)

2. pēpētanga [Rongo] E ngohengohe ana; e ngāwari noa ana te kopenu.   (2)

3. [Rongo] ing. He mea kua whakapēngia kia keke te hanga. (i) He pēpē roi (W 274). (ii) Kia huri rawa te ope o Ngāti Tūwharetoa ki te hoki ki ō rātou kāinga, kātahi anō a Tūmatangaua ka tahuri ki te kai i te pēpē aruhe i hoatu rā e Waikari (IwiT 28:16).

pēpē2

‑tanga [Tāne] ing, mahp, āhua. reo kē. He tamaiti i ōna tau tuatahi ki tēnei ao, he tamaiti tino nohinohi. Kāore anō kia mutu taku whāngote i taku pēpē. Kia kotahi tau me te hāwhe pea te pakeke.  kōhungahunga (2)