This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pena1

‑hia ‑tia ‑tanga [Papatūānuku] mahw, ing, āhua. Ka mahi i ngā mahi o ia rā, i ngā mahi auau rānei e mau tonu ai, e pai ake ai rānei te noho ora o tētahi mea. Ko tēnā iwi, ko tēnā iwi kei te pena i ōna ake mātauranga, kia kore ai e waimeha.  tiaki (1)

pena2

[Tāne] hono. E tohu ana kia eke rawa tētahi āhuatanga e whakaaturia ana i muri tonu mai, kua haere, kua eke, kua tūturu rānei ko tētahi atu āhuatanga e whakaaturia ana i te rerenga. (i) Pena kāore koe e wātea, tēnā koa waea mai. (ii) Pena ko au tērā, kua pau katoa ngā moni ki taku whānau.  mehemea

pēnā

1. ‑tanga [Tāne] āhua, ing, mahp, tūkē. Rite tonu ki tā te kaiwhakarongo e whakaatu ana, e mahi ana, e kōrero ana rānei, ki tētahi mea rānei e pātata ana, e hono ana ki a ia. (i) Karekau aku kākahu papai pēnā i ōu nā. (ii) Ā, me pēnā anō ko mātou. (iii) He aha i pēnā ai tō kōrero? (iv) Ki te whawhakina pēnātia, ka marū - me pēnei kē. {pēnaka, whēnā, whēnaka}

2. [Tāne] hono. E tohu ana kia eke rawa tētahi āhuatanga e whakaaturia ana i muri tonu mai, kua haere, kua eke, kua tūturu rānei ko tētahi atu āhuatanga e whakaaturia ana i te rerenga. (i) Pēnā he manuhiri rangatira kua kākahu rangatira nei pēnei i te kākahu huruhuru (PR 90). (ii) Pēnā kua mōhio au, kua kore au i whakaae atu.  mehemea