This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



peka

1. [Tāne] ing. He toronga roroa e tipu mai ana i te kahiwi o te rākau. (i) Whatia mai he peka o te rākau nā hei tiripou. (ii) He peka rākau e kokoti ana i te huarahi. {kāpeka, kaupeka, kaupekapeka, manga, pepeke}

peka a waka [Tāne] He tipu tupu ki runga rākau, he rārā tautau, he rau hohoko roroa, he whāiti, he kāwitiwiti, he kōtingotingo pango kei ngā rau, he kahotea ngā pua kakara pūhui roroa te tupu. Earina mucronata.

2. [Tangaroa] He rerenga wai ka whati mai i te awa matua me te whai i ara kē.  kāpeka (2)

3. [Haumia] Te aka whenua o te rarauhe; he kai.  aruhe

4. [Tūmatauenga] Te upoko, te kaiārahi o tētahi iwi, he tangata whai mana i roto i te iwi. Me moe te peka i te wahine tapairu.  rangatira (1)

5. [Tāne] Ngā taha o te kanohi, i raro mai i ngā karu. E pūwhero ana ngā peka o te pēpē nei i te kaha wera o roto nei.  pāpāringa

6. ‑hanga ‑tanga [Tāwhirimātea] mahp, ing, āhua. Ka whai he ahunga kē, he ara kē mō tētahi wā. (i) Rokohanga ka tūpono mai nei ki te tūpāpaku koia nei i peka mai ai (HP 63). (ii) I peka anō ki tahaki o te huarahi i ētahi wā, kia kite i ngā ana i huna ai ngā tāhae, ngā kaikōhuru hoki. {auraki, aweke, hawe, kaihore, ngungu, peapeau1, tanoni, tangongi, tapeka, tihoi1 (2), tipa2 (1), tītipa, tohipa}