This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



parapara1

1. [Rongo] ing. Ngā maramara kai ka toe mai ina mutu te kai. He parapara te kai a te tangata takaroa ki te tēpu. {paka1 (3), pakapaka1 (3), parakai, paraparahanga}

2. [Tāne] ing, āhua. Ngā wāhanga o roto i te tinana kararehe, ka kainga pērā i ngā tākihi, te ate, te manawa me ngā terotero. Ko ngā toto o te poaka i kainga tuatahitia, whai muri iho ko ngā parapara.

3. [Tāne] Te wai o te waha ka hangaia e te tinana e pai ai te ngaungau, te horomi me te wāwāhi i te kai. Mōhio tonu ia ka ruaki ia, kua pupū hoki te parapara i tōna waha.  hūware

4. [Whiro] ing. Te paru tino kino. E marere kau ana te tūpāpaku, kua puta mai te parapara i te waha, pēnei tonu te āhua me te waipiro, ko te kakara, rite tonu (KtKM 2, 5).  hawa2 (2)

5. [Tāne] ing, āhua. Ngā para o te puku ka tukua i te tou. Inā kē te nui o te parapara arewhana - kāore he hamuti nui atu!  tūtae

6. [Papatūānuku] ing. Ngā toto me ngā poketoto ka puta mai i te aroaro o te wahine i muri i te whānautanga mai o te pēpē. Rokohanga iho e ia, ka whānau a Rongouaroa i tāna tamaiti i a Rauru. Te take i kite ai tēnei wahine i tēnei tangata nō tāna haerenga ki te wai ki te horoi i a ia, i ngā parapara o tāna tamaiti (B 31).

7. [Tāne] Te wai mā ka paratī mai i te ure o te tāne, o te toa rānei ina tokomauri ia. Ehara i te mea ka hapū te wahine i ngā ainga katoa, ahakoa te nui o te parapara ka puta ake i te ure o te tāne.  waitātea

8. [Papatūānuku] He wāhi tuku karakia. Kātahi ka haere ki runga ki te parapara, karakia ana (W 262).

kai parapara [Whiro] Ka takahi i te tapu, arā, ka kai i ngā hua o te whenua kua whakatapua.

parapara2

1. [Tāne] ing. He rākau e 6 mita te tupu. Pseudopanax lessonii.  houmāpara

2. [Tāne] He rākau e 8 mita te tipu. Pseudopanax arboreus.  whaupaku

3. [Tāne] He rākau e 6 mita te tupu. Pisonia brunoniana.  pūhāureroa (2)