This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



para1

1. [Papatūānuku] ing. He paru, he kongakonga i roto i te wai ehu kua tau iho ki te takere. (i) He wai para horo (W 262). (ii) Ahakoa kua mutu te tuku i ngā paihana, kei te takoto tonu ngā para i te whaiawa. (iii) Nāwai ā ka tau atu te īhi, te huka, me ērā atu hanga o roto i te inu ki raro - ko te para tēnā. {waipara, whaipara} parataiao (1)

2. [Ranginui & Papatūānuku] ing, āhua. Ngā hanga ka porowhiua e te tangata i te mea kua kore i hiahiatia, e whakaarotia ana rānei kua kore i whaihua. (i) Kua uaua te whakangaro atu i ngā para a te tangata i ngā tāone nui. (ii) Ko te nui o ngā para tētahi mea e kaha whakakinokino nei i a Papatūānuku. {parahanga, rāpihi}

3. [Papatūānuku] ing. He maramara maroke tino moroiti rawa atu (o te oneone, o te aha atu). Ka pau te whare i te ahi, he para noa iho i toe mai.  puehu (1)

4. [Tāne] He pupuhitanga iti ka puta ki te kiri, i ētahi wā he pirau anō kei roto. Ka whakamā katoa ia i ngā para e pukupuku mai ana i tana rae.  mariao1

5. ‑nga [Rongo] mahp, ing, āhua. Kua pakari, kua pai ki te kai, ki te tunu (o te huarākau). Kua para ngā karaka (W 262).  maoa (2)

para karaka [Ranginui] āhua, ing, mahp. E rite ana ki te hua maoa o te karaka te tae.  karaka1 (6)

para2

1. [Tāne] ing. He huruwhenua e 4 mita te roa o ngā rau taumaha, he pū te tupu, he uriuri, he mōhinuhinu ngā tawheraiti, he kai tōna akakōare. Marattia salicina. {parareka, paratawhiti, uwhi1 (uwhi para)}

2. [Tāne] Te pū, te uhi rānei o te perei me te paratawhiti, he tōpuku, he tuawhiti, he kai. Tō tāne i moe, he tāne koko para, he tāne kai aruhe (W 262).

para tarare [Papatūānuku] He momo para he kōrangorango te kiri, he kai i ngā rā o mua.

3. [Tangaroa] He ika wai māori e 20 henemita te tipu. Galaxias fasciatus.  kōkopu (1)

4. [Tāne] He kahu kōkau hei pare i te ua.

5. [Haumia] āhua. E tino pai ana (o te aruhe). He aruhe para.

para3

[Tūmatauenga] ing. Te ū tonu ki tētahi mahi uaua, ki tētahi mahi mōrearea me te kore e mataku, ahakoa rānei te mataku. Ka whakawhiwhia ia ki te Rīpeka o Kuīni Wikitōria mō tōna para i te pakanga.  māia (2)

para kore [Ranginui & Papatūānuku] mahp, ing, āhua. Ka ngoikore te ngākau, ka korou kore, kua kore te tangata e pīrangi aha. (i) Kua para kore i te pūhore o ā rāua haere. (ii) A hoki para kore ana te taua i te raru i raru ai rātou i taua wahine (W 262).  ngākau (ngākau kore)

para4

1. [Ranginui & Papatūānuku] ing, āhua. He tangata e hono ana ā-toto ki tētahi atu. I te ao Māori o mua, he pai noa iho te moe i te para, kia noho tonu ai ngā raruraru, ngā aha noa iho ki te whānau kotahi.  whanaunga (1)

2. [Tāne] ing. Tētahi o ngā wāhanga e rua o te rākau kua tīwarahia roatia ki waenganui tonu. Ka hinga ki te whenua, wāhia ana, ka pakaru ko Matahorua tētahi para, ko Aotea tētahi (W 262).

para5

[Tūmatauenga] ing. He kēmu e whiua ai te teka mai i tētahi tangata ki tētahi atu.

para whakawai [Tūmatauenga] ing, mahp. He whakamātau i te tau o te tangata ki ngā tākaro, ki te mau rākau hoki. (i) He rawe a Kurawhā mehemea ka tū ki te para whakawai (W 262). (ii) Te mahi o konei he riri tākaro, he para whakawai (W 262).

para whakawai [Tūmatauenga] mahp, ing, āhua. Ka whakapakari i ngā mahi mau rākau. Kātahi ka para whakawai taua tamaiti nei, ka mōhio ki te mau patu (W 262). {riri (riri tākaro)}

para6

‑ngia ‑hia ‑nga [Tūmatauenga] mahw, ing, āhua. Ka mahi kia kore atu ngā taru, ngā tāwhao, ngā rākau, kia wātea ai te whenua mō tētahi mahi. (i) Kei te para a Pīwaka i tana waerenga (W 262). (ii) Ngāti Manawa para raerae (W 262).  waere

para7

[Tāne] ing. He manu noho wao, noho ngahere. Anthornis melanura.  korimako

parā

1. ‑tanga [Papatūānuku] mahp, ing, āhua. Kua huri hei puehu, kua pirau, kua popo noa. (i) Kua parā noa tēnā rākau. (ii) He riri anō tā te tawa uho, he riri anō tā te tawa parā (W 262).

2. ‑tanga [Rongo] Kua pakari, kua pai ki te kai, ki te tunu (o te huarākau). He karaka te tae o ngā hua o te karaka ka parā ana.  maoa (2)

pāra

1. [Tangaroa] ing. He ika tai 120-200 henemita te tipu. Lepidopus caudatus.  taharangi2

pāra taharangi [Tangaroa] He ika tai 120-200 henemita te tipu. Lepidopus caudatus.  taharangi2

2. ‑ia ‑hia ‑nga [Papatūānuku] ing, mahw. He maramara ka pakaru mai ina paopaohia he toka, whakamahia ai hei taputapu tapahi, hei hāro, hei tārai rānei i ētahi atu taputapu ki te toka. Kāore i moumouria ngā pāra o ngā toka pērā i te tūhua, te ōnewa me te pakewa - i puritia hei taonga haehae.