This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



papare

1. ‑a ‑nga [Tūmatauenga] mahw, ing, āhua. Ka aukati atu (i tētahi mea kino), ka mahi kia kore e pā mai. Ka papare ake te ringa i te kapu, ka rūrū te māhunga. Ko ēnei kupu i puta mai, 'Kāore, kei paru te kapu, ka kino mā ērā atu' (TT 6, wh68).  ārai (1)

2. ‑a ‑nga [Tūmatauenga] Ka mahi kia rerekē te aronga e whāia ana e tētahi mea, kia ahu atu taua mea ki wāhi kē. He tangata e tū ana i te kokonga, ko ia e papare ana i ngā waka ki te ākau roa, kia kore ai e rokohanga atu ngā taraka i aituā.  pare2 (2)

3. ‑a ‑nga [Tūmatauenga] Ka tango ake, ka neke ki rahaki. (i) Ka titiro a Paoa ki ngā ika ka parea ake mā ngā hoa (W 266). (ii) Me āta tirotiro ngā āporo ka papare i ngā mea marū.  nukunuku

4. ‑a ‑nga [Tūmatauenga] Ka whakarite, ka tohu rānei (i tētahi mea) mō tētahi tangata, mā tētahi tangata rānei, ā tōna wā. (i) Kaua koe e papare ā-waha mā te tangata rā taku tamāhine. (ii) He mea papare ēnā tūru mō ngā kaiwhakawā.  taunaha

5. ‑tanga [Tūmatauenga] ing, mahp, āhua. He tangata, he ārai, he aha atu hei tiaki, hei whakamarumaru i tētahi mea.  pare2 (5)