This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



paku1

[Tangaroa] ing. He ika kua kōwhāngia, kua whakamaroketia i te rā. Ka hoatu he paku ki runga i ngā kai kōhua, nā wai ā, ka ngāwari anō mō te kai.  maraki

paku2

‑tanga [Tāne] āhua, ing, mahp. Kāore i rahi te hanga, ina whakaritea ki ētahi atu mea; arā tōna kupu tauaro, ko te 'nui'. (i) Tēnā homai he wāhi paku o te keke nā, hei whakareka noa i taku waha. (ii) I waho o te taha hauāuru o te whare, kei kō paku atu, e tipu ana ngā rākau piki e ono (HP 12).  iti1

pakū

1. ‑tia ‑tanga ‑nga [Tūmatauenga] mahw, ing, āhua. Ka mahi kia pā kaha tētahi hanga ki tētahi atu mea. Kei te pakū roi (W 255).  pātuki (2)

2. ‑tanga ‑nga [Rūaumoko] mahp, ing, āhua. Ka kino tonu, ka ohotata tonu te haruru mai. Ka rongo māua i ngā pū nei e pakū ana i runga i ngā puke rā. Ka mea ake au, 'Ka rawe hoki ngā iwi nei ki te puhipuhi i te pō' (Wh 15, 6).  papā (2)

3. ‑tanga ‑nga [Rongo] Ka puta whānui (te kōrero, te rongo), ka puta ki tawhiti. (i) Te tangata e haere mai nei tōna rongo, ka pakū nei i ngā whenua (W 255). (ii) Pakū ana ki te ao whānui te toa o ngā kaiwhakahaere āpiha, o ngā hōia o te Rōpū Māori Rua Tekau mā Waru (HP 114).  hau3 (1)

4. ‑nga ‑tanga [Tāne] Ka totoro ake, ka whakaroa ake, ka roa ake. Nā Māuipōtiki i tinihanga ki a Hinenuitepō, i pā mai ai he mate ki ngā tāngata o te ao, pakū ki runga, pakū ki raro (W 255).  toro1 (2)

5. [Tāne] ing. He taputapu ka mahia ki te rākau, he poroharore tētahi pito, he taputapu hei paopao aruhe, hei paopao aha atu. Ka paopaotia te hiako aute ki te pakū kia angiangi.  paoi (1)

pākū

[Rongo] ing. He kai kukū kainga nuitia ai mō te parakuihi, ka mahia ki te ōti, ki tētahi atu hanga pērā rānei, ka pokepokea ki te wai, ki te miraka, ka tunua. E kītia ana, e waru marama matatia ana te kānga kōpiro. Ki a au nei, me patupatu rawa ki roto i te tāora kua oti hoki te muru mai, kia ngohengohe rawa, kātahi ka kōhua kia maoa. Na kua riringi he waiū ki runga, ka kōrori atu he huka ki roto, na kua reka ake i te pākū Pākehā (HP 156).  pāreti