This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



pae

1. [Ranginui] ing. Te rārangi i tawhiti e pōhēhētia ai kei reira e tūtaki ana te rangi me te whenua, te rangi me te moana. Ānō ko Kōpū ka puta ake i te pae (W 244). {huapae, (pae huakai), paerangi1, paihau, ripa, tāepaepa (tāepaepatanga o te rangi), tāhapatū, taharangi1, tahatū, takupū, tauriparipa}

pae huakai [Ranginui] Te rārangi i tawhiti e pōhēhētia ai kei reira e tūtaki ana te rangi me te whenua, te rangi me te moana. Tērā Matariki hikitia i te pae huakai.  pae (1)

2. [Tāne] Ngā toko rere huapae ki te tautoko ake i te kāraho o te waka. Waiho i tō tū, waiho i tō pae (W 244).

3. [Tāne] He wāhanga rākau pakari, he roa anō, he maitai rānei e pēnei ana te hanga, ka rere huapae i ngā hanga pērā i te whare hei tautoko i te papa, i te tuanui, i te aha atu. He ātaahua ngā pae rimu o te tuanui, kaua rawa e peitahia. {kurupae}

pae kākaho [Tāne] Tētahi o ētahi papa ka takoto whakapae ki waenganui, ki te taha whakararo o ngā poupou o te whare. Ka peia atu ngā moenga kia pā rawa ki te pae kākaho.  pāpaka (5)

4. [Tāne] ing, āhua. Te taunga o te manu. Pērā ai koe me te mōkai kākā e noho rā i tana pae, ā ka puta te pōkai kākā (Wa 3,10). {rongohua}

pae o te riri [Tūmatauenga] ing. He wāhi e whakatā ai te ope taua, ina haere ki te riri. Ehara, ka eke te ope taua ki te pae o te riri, ki te wāhi okiokinga.

pae kawau [Tāne] Tētahi wāhanga o te tomokanga ki te pā.

5. [Tāne] Ngā kiko e uhi ana i te kauae i te pū o ngā niho. Ka werohia he patu mamae ki ngā pae kia pai ai te tūwiri i ngā niho.  pūniho

6. [Tāne] Te tawhiti huri katoa i tētahi mea, e awhea ai taua mea. (i) He rimu āhua nui tonu - e rua mārō te pae. (ii) E whā rau mita te pae o te papa omaoma nei. (iii) Hei kimi mai i te pae o te tapatoru, me tāpiri noa te roa o ōna tapa e toru. {paenga}

7. ‑nga [Papatūānuku] mahp, ing, āhua. Ka takoto whakapae i runga i tētahi mea, i tētahi wāhi rānei. E pae ana te rākau i te huarahi. {tāpae, tarapiki}

8. ‑nga [Tāne] Ka takoto mai ki te taha. (i) Ka heke haere anō te awa, ka kitea atu ngā para e pae mai ana i rāwāhi. (ii) Nā te taraka i para te huarahi, ana kua pae mai ngā hukarere ki ngā taha.

9. ‑nga [Tāne] Kua whakahuihui mai, kua whakahuihuitia mai ki tētahi wāhi. Horahia mai (te kōrero) kia rongo te rau e pae nei (W 244).  emi1

10. ‑a pāea ‑nga [Tangaroa] Ka rukea mai ki uta e te ngaru. (i) Ko ngā waka tino nui, ki uta paea ai e te tai i te kore tāngata hei eke mō runga (W 244). (ii) He maha o rātou i pae ki uta, mate iho ana ngā tāngata tokomaha ki te wai (WM 13b, 6). (iii) Ka kī tonu anō te wai i te ika ora; nā te monomono pea o ngā mea mate nāna i taki mai, otirā kīhai ēnei i muri nei i pae ki uta (WMA 3, 57). {paeārau}

11. ‑nga [Tūmatauenga] Ka turakina ki raro, ka wāhia kia pakaru katoa. Ka paea te whare, ka tahuna te whare (W 244).

12. ‑a ‑nga [Tūmatauenga] mahw, ing, āhua. Ka hopu (i te manu) ki te taputapu whai koromāhanga. Ko ā tāua mea tāne kei patu i ngā manu, hei taeki, hei wero, hei pae, hei mutu (W 245).  mutu (3)

13. ‑a ‑nga [Tūmatauenga] Ka karapoti ki tētahi taitapa. (i) Paea mai ngā pārua o te umu kia hoki mai ai te mamaoa ki roto (W 244). (ii) Ka paea te māra putiputi ki te ponga.