This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



oke

1. ‑nga [Rūaumoko] mahp, ing, āhua. Ka takahuri, ka neke ki tētahi taha, ki tētahi taha, i te mamae, i te kino rānei o te noho. (i) Anana! Te tino okenga i oke ai te pane me te hiku (W 239). (ii) He iti nei ā rātau pū i pakū atu, me te oke haere o te hoariri i roto i te mate (PH 3, 20).  takaokeoke

2. ‑a ‑nga [Tūmatauenga] mahp, ing, mahw, āhua. Ka whakapau kaha ki tētahi mahi. (i) Ināianei e oke ururoa kau ana rātou kia taea he oranga kautanga mō rātou (WM 1, 22). (ii) Ki te okea ururoatia, ka tutuki tāu e whai nā. (iii) E oke i tō oke. Nāu te mahi nui.

3. ‑nga [Ranginui & Papatūānuku] mahp, ing, āhua. Ka kaha tonu te hiahia ki te mahi i tētahi mahi, ki te whai i tētahi kaupapa. E oke ana au ki te kimi mahi whaiutu ina riro i a au taku tohu mātauranga.  ngākaunui

4. [Whiro] ing. He tangata kua pāngia e te mate. Ka roa te oke e takoto ana i te hōhipera, nā wai ā, kua ora anō.  tūroro1 (1)

5. [Papatūānuku] He rua ka keria hei wāhi tao kai ki te kōhatu wera. Kia hukea te oke, kua noho mātou ngā tamariki ki te wakuwaku mai i ngā mīti pakapaka e piri ana ki ngā kōhatu, ka kai ai.  hāngi (1)