This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ohaoha1

1. ‑nga [Papatūānuku] āhua, ing, mahp. Neke noa atu te hoatu (i te kai, i te taonga, i te aha atu), te manaaki rānei i tērā e kimihia ana, e hiahiatia ana; he aroha ki te tangata. Ka puta i a Te Whatanui ēnei kupu ohaoha rongonui, arā, e tuku ana ia i a ia hei rātā whakaruruhau mō Muaūpoko (TTR 1, 334).  marae (3)

2. [Papatūānuku] āhua. hou. E pā ana ki te ōhanga. (i) Ko tā Timi Kara i tino whai tonu ai he whakakaha i te Māori i roto i te ao ohaoha o te ao hou (TTR 2, 10). (ii) He whakanui i ngā wāhine Māori o roto i ngā tau kua whakapau i ō rātou kaha ki ngā take pāpori, ā, ki ngā take ohaoha, hei painga mō tātou, mō te iwi Māori, otirā mō ngā iwi katoa o Aotearoa (HM 6, 4).  ōhanga2 (3)

3. ‑nga [Tāne] mahp, ing, āhua. Inā kē te maha, te nui e wātea ana, kāore e wawe te pau. Kua puta a pito i te ohaoha o ngā kai.  huhua (1)

4. [Tūmatauenga] ing, āhua. He taonga ka puritia hei whakamaharatanga ki te tangata nāna i hoatu ki a koe, nāna ake rānei te taonga. Me te hua anō ō koutou taonga i ngā mea katoa hei ohaoha, e puta ai i a mātou ngā whakawhetai ki te Atua (PT 2Ko 9.11).  oha2 (3)

5. [Tūmatauenga] ing. He kōrero, he tohutohu whakamutunga nā te tangata i mua i tōna matenga. Kei te taha tonu o tana moenga tana whānau e whakarongo kau ana ki tana ohaoha, me te heke anō o te roimata.  ōhākī

ohaoha2

‑nga [Ranginui & Papatūānuku] ing, mahp, āhua. He wāhanga nō te karakia tūhono i te wahine me te tāne. Ko te karakia kia kore e pā mai he mate ki a rāua, tuarua kia whānau mai he tamariki, ko te ingoa o te karakia, he karakia ohaoha (W 237).