This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



oha1

‑ina ‑nga [Tūmatauenga] mahw, ing, mahp, āhua. Ka tuku kupu hei whakatau, hei whakamihi i te tangata. Ka tae mai a Roretene, ka oha mai ki ahau, ka oha atu hoki ahau. Ka harirū māua; ka mutu te harirū, ka kī mai, 'I haere mai au ki te tiki mai i a koe' (Wh 16, 2).  mihi (2)

oha2

1. ‑nga [Papatūānuku] āhua, ing, mahp. Neke noa atu te hoatu (i te kai, i te taonga, i te aha atu), te manaaki rānei i tērā e kimihia ana, e hiahiatia ana; he aroha ki te tangata. He tangata oha ki te iwi, he tangata karanga i te manuwhiri, ahakoa Māori rānei, Pākehā rānei (Wa 5, 23).  marae (3)

2. ‑nga [Tāne] mahp, ing, āhua. Inā kē te maha, te nui e wātea ana, kāore e wawe te pau. Kua āhua toru tekau tau e rāhuitia ana te toheroa i tēnei takiwā, kātahi tonu ka āhua oha mai anō.  huhua (1)

3. [Tūmatauenga] ing, āhua. He taonga ka puritia hei whakamaharatanga ki te tangata nāna i hoatu ki a koe, nāna ake rānei te taonga. Ka hemo au, ka riro tēnei rākau i taku tamaiti, ka whai mai anō i te tikanga o tōna matua. Na, ka waiho tēnei rākau hei oha ki ngā uri, hei tohu mō rātou (KtKM 7, 16). {manatunga, ohaoha1 (4), whakaturi}

4. [Tūmatauenga] ing. He kōrero, he tohutohu whakamutunga nā te tangata i mua i tōna matenga. Ko te oha a tō mātou whaea, kia tiaki mātou tētahi i tētahi.  ōhākī

whakatau oha [Tūmatauenga] mahp, ing, āhua. Ka whakaputa i te ōhākī. Ka whakatau oha ia ki te whānau, ka manawa kiore, ka mate.

oha3

1. ‑ina ‑nga [Tūmatauenga] mahw, ing, mahp, āhua. Ka karakia (i tētahi mea). I ohaina pea ki te kupu karakia kia muna i roto rā, ka nui au te aroha (W 237).

2. ‑nga [Tūmatauenga] mahp, ing, āhua. Ka whakarite i tētahi taua ngaki mate. Hua noa i horoia ki te wai horoi hika o Māhaki, kia tiu, kia oha mō Kairākautahi (NM2 261, 12).

3. [Tūmatauenga] ing. He waiata hei whakatītina i te tangata kia whakauru ki te taua ngaki mate.