This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



nui

1. ‑nga [Ranginui & Papatūānuku] āhua, ing, mahp. Rahi te hanga ina whakaritea ki ētahi atu mea; arā tōna kupu tauaro, ko te 'iti'.  Ko te 'nunui' te kupu takitini. (i) He rākau nui te kauri, he rākau iti te koromiko. (ii) Ko te ingoa o tōna pā ko Whakarewa, he pā nui hoki, he maioro nunui ngā maioro (W 224). {kaitā, kaurahi, korahi, kūwharuwharu, matarahi, matararahi, rahi, ruarangi, tetere, tuangea, whakahara, wharaurarahi}

2. ‑nga [Tāne] E hia kē ina tatauria. He nui ngā take i pērā ai - e kore e taea te katoa te whakaatu atu i te wā poto.  maha

3. ‑nga [Ranginui & Papatūānuku] E tino whai take ana, e tino whai tikanga ana; e whai mana ana, e noho mai ana ki tētahi taumata teitei. (i) Ka tāia ngā kōrero nui o te wā ki te whārangi tuatahi o te nūpepa. (ii) He pātai tika otirā he take nui, he take uaua, ā, mā wai hoki e whakahoki te pātai? Kua ngaro hoki ngā pū wānanga o raurangi (KRK 42). (iii) Kai reira hoki e tū ana te kōhatu whakamaharatanga hei tohu i te wāhi i mate ai tēnei tangata nui o te iwi Pākehā (PH 3, 7). {hira, mātua1 (2), mātuatua, pūwhero, pūwhewhero, tiketike, tītike}

4. ‑nga [Tāne] mahp, ing, āhua. Inā kē te maha, te nui e wātea ana, kāore e wawe te pau. I te pai o te kāinga, i te nui o te whare, i te nui hoki o te kai, ka whakamihi a Ruapūtahanga me tana iwi ki a Whatihua (IwiT 6:5).  huhua (1)

5. [Tāne] ing. Te whānui, te roa (o tētahi mea), tae atu ki te teitei, te hōhonu rānei (ina hāngai ana); te rahi, te iti rānei o tētahi mea ina tirohia te katoa ōna. (i) Ko te nui o Niu Tīreni e 66,000,000 eka (KRK 185). (ii) Ko te nui o te iwi Māori kei raro i te 45,000 (KRK 180). (iii) Ko te nui o tēnei tāpapa, kia kotahi putu te hōhonu, kia ono te roa, ā, kia toru putu te whānui (Wh 5, 2). {katete, korahi, kūpara, rahi, rarahi}

6. [Tāne] He huinga tāngata tino tokomaha. Māna e hoatu ki te nui a Te Rangi (W 224).  tini1 (2)