This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ngehe

1. ‑tanga [Rongo] āhua, ing, mahp. Ka komeme noa ina pēhia atu; he māmā ki te tārai, ki te tapahi, ki te pōkai rānei; kāore e mārō. Me ngehe tonu te uku kia taea ai e ngā tamariki te romiromi.  ngohe (2)

2. ‑tanga [Rongo] Kāore e kori ake te tinana ki te mahi, ki te aha. He tangata ngehe, he tohunga tonu ki te karo i te mahi.  māngere

3. ‑tanga [Rongo] E tatū ana te noho, kāore he whawhai, he tutūnga puehu. Rapua he purapura e tupu ai tātou. He tau ngehe te tau nei (WM 8, 9).  rangimārie (1)

4. ‑tanga [Ranginui & Papatūānuku] mahp, ing, āhua. Kua pau te hau, kua pau te kaha, mā te whakangā rawa, mā te moe rawa e whai kaha anō ai. (i) Tohe tonu te tangata rā; tē ngehe, tē aha (WM 9, 20). (ii) Ko te āhua o taua mate, tīmata ai ki te tūnāwiri, ka mamae te māhunga, ka ngehe katoa te tinana me ngā turi, ka mamae hoki ngā konohi (HTK 2, 23).  ngenge1

5. [Tangaroa] ing. He kōura nō nā noa nei i ngahoro ai te pāpapa. Kāore e kainga te ngehe, he kōngohengohe (W 232). {ngorengore}

6. [Tangaroa] He ika tai e 70 henemita te tipu. Aplodactylus arctidens.  kehe

7. [Tangaroa] He ika tai e 35-45 henemita te tupu. Odax pullus.  marare