This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ngata1

1. [Tāne] ing. He ngārara tinana mohe tino pōturi te haere ka kitea i te māra, i hea atu, ka taea e ia te whakahoki i te katoa ōna ki tana anga tōrino. E kurukuru ana te manu nei i te anga o te ngata ki te kōhatu kia taea ai e ia te ngata o roto, ehara, kāore he raruraru.

2. [Ranginui & Papatūānuku] He kōiraira tino iti, he wāhanga tino iti rānei (o tētahi mea). (i) He ngata noa te waka e whakanumi ana ki te huapae. (ii) Ka mukua atu ngā ngata māungaunga e mau ana ki ngā pakihiwi o tana hutu.  tongi (2)

ngata2

‑nga [Ranginui & Papatūānuku] mahp, ing, āhua. Kua tatū te ngākau, te wairua me ngā whakaaro i te mea kua eke, kua tutuki ngā hiahia. (i) E kore e ngata te hiahia i te inu kotahi noa - kia rua, kia toru pea, kua pai. (ii) Ka riro tētahi pā i a rātou, ko Kākāriki-taumutu te ingoa. Heoi kua ngata te ngākau, hoki ana ki ō rātou kāinga (WM 1, 42). (iii) Kāore anō i ngata aku hiamoe, ka whakaohongia au e taku hoa. {māha, manawa (manawa reka), manemanea, 3, ngā1, rauru, tina1 (4), toka1 (5), upa, wanea}

ngata3

[Tūmatauenga] ing. He tāne, he wahine rānei.  Ka whakahuatia tēnei kupu mō te tangata i ngā karakia anahe.  tangata (1)