This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ngaio

1. [Tāne] ing. He rākau 10 mita te tupu, he hohoko ngā rau, he mā, he ririki ngā kōtingotingo kei ngā rau, he niho ririki kei te kāmata, he pua mā whai kōtingotingo waiporoporo ōna, he waiporoporo ngā hua. Myoporum laetum.

2. [Tāne] He momo harakeke. Phormium tenax.

3. [Papatūānuku] He momo noke 150-200 mirimita te tupu, ka whīwhiwhi ki a ia anō, kei te hāroto, kei te kōawa, kei te awakeri tōna kāinga ake, ka kitea anō i roto i te kākā, i te kōkopu, i te īnanga me te wētā. Gordius spp. {engaio}

4. ‑tia ‑tanga [Tūmatauenga] mahw, ing, āhua. Ka āta tirotiro (i tētahi mea). I konei a ia e ngaio ana i te wāhi i tuki ai ngā waka, kei tūpono kitea he tohu ko wai o rāua i te hē.

5. ‑tanga [Tāne] āhua, ing, mahp. Tere ki te ako, ka tere mau ngā mātauranga hou, ka tere anō ki te hanga whakaaro, ki te whakahāngai ariā, he rehe. He tangata ngaio, ahakoa te uauatanga kei mua i a ia, ka kitea e ia he rongoā.  kakama (2)

6. ‑tanga [Ranginui & Papatūānuku] mahp, ing, āhua. Kāore e tau te noho, kāore rānei e tau te wairua. E ngaio ana ngā tamariki; kei te pīrangi puta rātou ki waho kori ai.  ārewa (2)