This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ngai1

1. [Tāne] ing. He rau raupō, he whā harakeke, he rau aha atu ka whakamaroketia, ka herepūngia hei tuanui, hei pakitara mō te whare. Ka oti ngā ngai te ato ki ngā hiamo o te whare. {paru2, tongai}

2. [Tāne] Ngā maramara harakeke ka pahuhu ina hāroa te harakeke ki te mahi whītau.  kaku (2)

ngai2

[Tangaroa] ing. He mātaitai whai kokopi tapatoru te hanga. Paphies australis.  pipi (1)

ngai3

1. ‑tanga [Tāne] mahp, ing, āhua. Ka whakahā kia kaha tonu, kia tere tonu, i te pau o te hau ki tētahi mahi, i tētahi taumahatanga rānei. Haria atu ana ngā moenga ki te papa tuatoru, he ngai te kai a ngā ringa kawekawe.  kihakiha (1)

2. ‑tanga [Ranginui & Papatūānuku] Ka tangi me te kihakiha anō o te manawa. I rongo au i a koe e ngai ana i tō moenga.  hotu (1)

ngāi

1. [Tāne] pīa. He kupu ka noho hei wāhanga tuatahi o te ingoa o tētahi iwi, o tētahi hapū rānei e tohu ana he uri rātou nō te tupuna e tū ana i muri o tēnei kupu. Ko te wahine toa tēnei ki te kawekawe paura, matā hoki, mā ngā tāne o Ngāi Tai i roto i ngā awakeri o ngā parepare (NM4 344, Kwm).  ngāti (1)

2. [Tāne] He kupu ka noho hei wāhanga tuatahi o te ingoa o tētahi rōpū e tohu ana he huihuinga tāngata rātou i whakakotahitia i runga i tētahi kaupapa, i tētahi āhuatanga rānei i pā ki a rātou. (i) Tapaina ana te huinga tauira o te whare wānanga ko Ngāi Tauira. (ii) Ko te whāinga o te ratonga he whakapai ake i te urutanga o Ngāi Māori ki te rāngai umanga (PūT 01, 16). (iii) Nā te mea rā hoki he āhuatanga ērā i puta ake i ngā mahi tinana a ngāi tāua (H 18).  ngāti (2)