This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



muri1

1. [Ranginui & Papatūānuku] wāhi. Te takiwā ki te tuarā, ki te hikutira rānei o tētahi mea. (i) Ko au te tuatahi, e ono pea ngā tāngata e tū ana i muri i a au. (ii) Arā tō poraka, kua taka ki muri i te tūru. (iii) Ko te amorangi ki mua, ko te hāpai ō ki muri (NP 1532). (iv) He rite a muri ki te hōiho, ko mua, he rite ki te raiona.

2. [Ranginui] Te wā e whai mai ana. (i) Ka karakia, ka haere ngā mihimihi, i muri o tērā kua taki haere ki te hapa. (ii) Ko te mea nui kē kia tū mai he whare hei whakaruru, mō muri ngā whakapaipai. (iii) Nō muri kē au ka rongo kua mate kē a ia.

3. [Papatūānuku] ing. Te wāhi noa, te wāhi tunu kai.  mua (3)

muri2

1. [Tāwhirimātea] ing, āhua. He hau māriri, kāore e kaha te pupuhi. Tēnā huakina te matapihi kia hou mai ai te muri ki roto.  hengihengi (1)

2. ‑nga [Papatūānuku] mahp, ing, āhua. Ka whakaputa i te hā kia roa tonu, kia rangona tonutia, hei tohu i te ngenge, i te hōhā, i te pōuri, i te tānga o te ihu, i te aha atu. E muri ana i runga i te mōhio ka taka katoa tērā pīkaunga ki runga i a ia.  mapu (3)

3. ‑nga [Ranginui & Papatūānuku] Ka rongo i te pōuri nui i te rironga o tētahi mea, pērā i te matenga o te tangata e aroha nuitia ana. E muri koe ahiahi nei kia nohoia ake tahi hoki te aroha (W 214).  kōingo (2)

muri aroha [Ranginui & Papatūānuku] Ka kaha rongo i te hiahia ki tētahi tangata, ki tētahi mea rānei. (i) Ka muri aroha ki tana hoa kua riro. (ii) Puta mai ana te kōnonohi me te muri aroha i te ngākau ina titiro atu ki te tini o te tamariki e whai ana, e whakatau haere ana i muri i te kāwhena o tō rātou hoa (WM 12, 19).  kōingo (1)

muri3

1. [Tāwhirimātea] ing, āhua. Te aronga ki tō taha mauī ina titiro koe ki te aranga ake o te rā. Ka pupuhi ana te hau tonga, kua tau mai ngā waka rererangi mai i te muri.  raki1 (1)

2. [Tāwhirimātea] Te aronga ki te aranga ake o te rā. Kei te muri o Whītī a Rarotonga.  rāwhiti

3. [Ranginui & Papatūānuku] ing. Te tomokanga atu ki Rarohenga, ki te pō, ki te wāhi e okioki ai te hunga mate. (i) Pae ana te ika tangata ki tō matua i te muri (W 214). (ii) Haere rā, ngā rātā whakaruru hau, ki te muri (W 214).  tatau2 (tatau o te pō)