This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



moana1

[Tangaroa] ing, āhua. Te horanga wai totetote tino nui rawa atu, e kapi ana i te nuinga o te mata o te ao, e karapoti ana i te whenua, koia nei te rohe ki a Tangaroa; he horanga wai māori nui tonu. (i) Ko ēnei tohorā e whā, e ārai atu ana i ngā ngaru o te moana, kia āio tonu ai te wāhi o te moana mō te ngāwari o te haere a Tākitimu, ā, tae noa mai ki Aotearoa (HP 10). (ii) Kei whea te huarahi i riro ai mā Hoani Te Heuheu e haina te kirimina tuku i Te Moana o Taupō ki te Kāwanatanga? (TT 66, wh540) {tai1 (1)}

moana waiwai [Tangaroa] ing. He horanga moana nui tonu e tawhiti ana i te whenua. E āhuru ana i te whanga, engari, nō te putanga ki te moana waiwai, kātahi ka rongo i te kino.  aumoana

moana2

1. [Rongo] ing. Te tuanui o te rua kūmara. Ka oti te rua kōauau te kari, ka tahuri rātou ki te mahi i te moana.

2. ‑tanga [Papatūānuku] āhua, ing, mahp. Kāore i papatairite, he pukupuku, he tipirori rānei ētahi wāhi. (i) I moana tētahi taha o te rua (W 204). (ii) Ki te moana te papa, kāore e tika te rere atu o te wai.  pāhiwihiwi (1)

moana3

[Tāne] ing. He mokowā i waenganui i ētahi poupou e rua i ngā pakitara o te wharenui. Mā te kāmura e whakatūtū haere ngā tukutuku ki ngā moana o tō tātau wharepuni.