This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



Mauri

1. [Ranginui] ing. Te pō rua tekau mā waru o te marama. He pai mō te tiri kai, mō te hī ika me te mahi tuna.  Ōrongonui (1)

2. [Ranginui] Te pō rua tekau mā iwa o te marama. He pai anō mō te tiri kai. {Maurea, Ōmutu, Ōrongomauri}

mauri

1. [Tāne] ing, āhua. Te mana atua kei roto i te tangata ki te tiaki i a ia, he tapu. Mauri mahi, mauri ora; mauri noho, mauri mate (WM 11, 12). {(mauri ora), mouri}

mauri ora [Tāne] ing. Te mana atua kei roto i te tangata ki te tiaki i a ia, he tapu. Tihe mauri ora (W 197).  mauri (1)

2. [Tāne] Te pū o ngā kare ā-roto. (i) Oho ana te mauri, taukuri kau ana, haere, e whae, haere rā (KRK 125). (ii) Kia tau te mauri, arā, kia tau te ngākau, ngā whakaaro (KRK 190). (iii) Ka riro nā tēnei matapae i ohorere ai te mauri (RK 2).

mauri rere [Ranginui & Papatūānuku] āhua, ing, mahp. E ohorere ana te mauri, e wehi ana, kāore e mōhio me aha. (i) Ka rongo te iwi mauri rere rā e pakū tonu ana ngā pū, whetē ana ngā karu tētahi ki tētahi, kāore i mōhio me oma rānei, me aha rānei. (ii) Kua mauri rere i te pōhēhē ko tana tamaiti tērā kei roto tonu i te whare e kainga rā e te ahi. {tūmekemeke}

mauri tau [Rongo] E tau ana te mauri, kāore e wehi ana. (i) He tangata mauri tau, kāore e mataku, ka ū tonu ngā whakaaro ki te ārahi i ana tāngata e ora ai te katoa. (ii) Ko te tangata ka mauri tau i te whakamātautau, tērā tonu e puta, ko te tangata ka mauri rere, auare ake.

3. [Tāne] ing. He hanga pērā i te kōhatu, i te rākau, me ētahi atu mea, ka noho hei taunga mō te mana atua e tiaki ana i te hau o te tangata, o te whenua, o te ngahere, o te kāinga, o te aha atu; te mana atua ka whakanohoia mai ki te kōhatu, ki te rākau, ki te aha atu, ko taua mana atua te kaitiaki o te tangata, o te whenua, o te aha atu, he tapu. (i) Ko tēnei mea ko te mauri, hai pupuri i te hau o te kāinga (W 197). (ii) Ko te mauri he mea huna ki te ngāherehere (W 197). (iii) Ka ora katoa ngā kai o te kāinga i tēnei mauri (W 197). (iv) Kia tau te mauri o te kai ki raro (W 197). {mouri}

4. [Tūmatauenga] He tāne, he wahine rānei. Tō maunga tiketike, huinga mauri ora (W 197).  tangata (1)

5. [Tūmatauenga] He mana ka tukua ki te tangata, ki te rōpū rānei, kia riro māna e whakatau, e whakahaere ētahi āhuatanga kua tohua. (i) Kua tīmata te tari pirihimana ki te whakatōpū i ā rātou āpiha kia kitea mena ka taka tō rātou tāone i te tini me te maha, e taea rānei e rātou te pupuri i te mauri o te ture (RW 2 Hun 2005). (ii) He whānau Māori te hunga whakatū, whakahaere, pupuri i te mauri o te kura (HM 4, 2).

6. [Tāne] He māhuri māpou, tētahi māhuri noa atu rānei ka hūtia ake i te whenua, ka whakamahia i ētahi momo karakia. Ka hopu tōna ringa ki te mauri . . . ka hāua haeretia e ia te mauri i tōna ringa, me te karakia haere atu (W 197). {mouri}

7. [Tāne] He pou māpou ka whakatūria mō te pure i te māra tapu. {toko1 (1), tokomauri}

8. [Tāne] He momo karakia. (i) He mauri nō muri o te purenga (W 197). (ii) Ka whakahua te tohunga i taua mauri (W 197). {mouri}