This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



mau1

1. ‑ria ‑ranga ‑nga ‑tanga [Tūmatauenga] mahw, ing, āhua. Ka neke i tētahi mea atu i tētahi wāhi ki tētahi. (i) Hei aha te mau huarākau mai - kei te nui te huarākau i konei. (ii) Kāti, riro kē ana nā ngā wāhine o te kāinga te mahi ki te tino wehewehe i te mēra, me te mau atu hoki i ngā reta (TTR 4, 45).  hari2

2. ‑a ‑ranga ‑unga ‑tanga [Tūmatauenga] Ka mahi te ringa ki te tango ake, ki te pupuri rānei (i tētahi mea).  Ka whai i muri i tēnei kupu ko te 'ki' (i) Ka mau a Tūtānekai ki ōna kahu me tāna patu (W 196). (ii) Ka mau a Taiko ki tāna koikoi, ko te haerenga ki te kimi i a Tamainupō, kia patua e ia (IwiT 15:5). {ārau, nanao, pārau, tapiki, whai3 (6), whāwhā}

mau2

1. ‑ranga [Ranginui & Papatūānuku] maho, ing, āhua. Kua tūturu te piri, kua mārō rānei te tū, he mahi nui e neke ai, e turakina ai, e whakakorea ai. (i) Puritia ngā taonga tuku iho kia mau. (ii) Ka tōia a Tainui, kāore i paneke; te maunga iho anō, mau tonu (W 196). {akuaku, au3, nawenawe, ngita1, pākaha, taketake, tina1 (1), toka1 (3), ū3 (1), uka, whena2, wheuka, whita}

mau kakī [Tūmatauenga] ing. He taonga whakapaipai ka tāheia ki te kakī. He heitiki te mau kakī, he kapeu kei te taringa. {hei3 (4)}

mau taringa [Tāne] He taonga whakapaipai ka whakamaua ki te taringa. He whakakai, he kuru, he ngutu huia ētahi o ngā mau taringa o mua.

2. ‑ranga [Tūmatauenga] maho, ing. Ka hopukia, ka puritia, kāore e tukuna kia rere, kia oma. (i) He nui ngā aua i mau i a mātau nō te mea he rā tika (HP 29). (ii) Ahakoa pēhea te horo o tō aru mai, kāhore ahau e mau i a koe (Wh 23, 1). (iii) Ka kata atu ki a ia, ka whakatoi, nō te mea kāore i mau i a ia tētahi hoa kanikani ātaahua (Wh 1, 2). {mate}

3. ‑ranga [Tāne] Ka mau kino tētahi wāhanga ki tētahi atu, ka mau kino rānei ki tētahi atu mea, he mahi nui ki te whakamatara, ki te wewete. Kua mau te toroa i te kupenga.  whīwhiwhi

4. ‑ranga [Tāne] Ka mārama ki te hinengaro, ka kapohia e te hinengaro, ka tāia rānei ki ngā pūmahara (o ngā mea pērā i te kōrero, i te mātauranga). (i) He tamaiti kakama, ka tere mau i a ia ngā mātauranga hou. (ii) Ka tīmata te karakia a te tohunga, he āhua rangi waiata nei anō te āhua haere, engari he tere te haere, kore rawa e mau i a au ngā kupu (Wh 12, 1). (iii) Heoi, nā rāua tahi i whakaako ngā tokorima nei ki te whakairo. Kāore rawa i roa ka mau i a rātau (HP 80).

5. ‑ranga [Papatūānuku] mahp, ing, āhua. Kāore ōna mutunga, kāore e memeha, ka tū tonu, ka tū tonu, kāore hoki e taea te neke. (i) Ka ora taku waewae ka mau tonu ko te nawe (HP 21). (ii) Ko tō tātou whanaungatanga ka mau tonu (H 39). (iii) Ahakoa kua ngaro atu rātou ki te pō, ko te mana ka mau tonu.  pūmau (1)

mau3

[Tāne] ing. He harakeke tino poto, he kōwhai karaka ngā whā, he tino pai, he kaha te muka o tēnei harakeke. Phormium tenax.  mao2

māu

[Tāne] tkp. He kupu e tohu ana mā te kaiwhakarongo te mea, te mahi, te aha atu e kōrerotia ana. (i) Anei, māu te pane o tā tāua ika, māku te iwituaroa. (ii) E rārangi ake nei ētahi kaupapa hei whakaaroaro māu. (iii) Māu au e whakatika ki te kotiti taku mahi, nē? (iv) Ha! Māu rawa te kōrero! {māhau}