This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



matau1

1. [Tūmatauenga] ing. He hanga hei hopu ika ka mahia ki te kōiwi, ki te rākau, ki te maitai, ki te aha atu, he pito koi whai kāniwha tōna. Ka roa ka kai mai te ika ki te aho a tētahi, ka kūmea. Te ekenga ki runga e mau ana he tāmure i te matau (KRK 99). {maka2, matika1, pīhuka, reke2}

2. [Rūaumoko] He piko i te tānga moko i te kanohi.

matau2

[Ranginui & Papatūānuku] āhua, ing, wāhi. Ki te taha ki te rāwhiti ina anganui te tangata ki te raki, ki te taha ki te ringa kaha i te nuinga atu o te tāngata; te ringa tonu kei tēnei taha o te tinana. (i) Ko te nuinga o ngā tāngata ka tuhituhi ki te ringa matau. (ii) Ka huri ki te matau, ka whai haere i te ara ki tōna mutunga. (iii) He tū tahanga kāore ōna whakamā; e kore e piko ki matau, ki mauī (KRK 64). (iv) Ko tana patu tēnehi kei te matau e mau ana. {katau}

mātau1

1. ‑ria ‑hia ‑ranga [Tāne] mahw, ing, āhua. Ka mau pai, ka mau tika ki te hinengaro. Kua mātau ia ki tā te Atua whakaakoranga (HMa 5, wh3).  mōhio (1)

2. ‑ria ‑hia ‑ranga [Tāne] mahw, ing, mahp, āhua. Ka kite i te tikanga, i te hōhonutanga atu o tētahi mea. (i) Ko te hunga e mōhio ana ki te ture Māori mō te ngaki mate, whakaheke toto rānei, e mātau ana ehara tēnei, ki te Māori, i te kōhuru. Mā te ngakinga i te mate ka ea ai te hekenga toto (Wh 16, 1). (ii) Iti nei te aro atu a Te Ngahuru ki te pū, ahakoa anō e mātau ana ki te mana kai te ngutu o te pū (TTR 1, 238).  mārama (4)

3. ‑ranga [Tāne] āhua, ing, mahp. Tere ki te ako, ka tere mau ngā mātauranga hou, ka tere anō ki te hanga whakaaro, ki te whakahāngai ariā, he rehe. He kurī mātau tēnei - e hia kē ngā kupu e mōhio ana ia.  kakama (2)

mātau2

[Tāne] tkp. Te kupu ka whakamahia e te kaikōrero hei tohu i a ia anō me ētahi atu i tua atu i te tangata, ngā tāngata rānei e kōrero atu ana ia. Waiho mā mātau i tēnei pito e whakarite ngā moenga.  mātou