This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



marere

1. ‑tanga ‑nga [Ranginui] mahp, ing, āhua. Ka neke mai i tētahi wāhi o runga ake ki tētahi wāhi o raro atu, i te mea kua kore e puritia, e tautokona rānei ki taua wāhi teitei rā. Otiia i tētahi e tua ana i te rākau, ka marere te pane o te toki ki te wai (PT 2Ki 6. 5).  taka1

2. ‑nga ‑tanga [Tūmatauenga] Ka unuhia (te kākahu). (i) Ka marere ngā kākahu o te tini māia raka, kei te wai, kei te whakaruku i a rātou (W 182). (ii) Ka tomo atu ki te whare, ka marere ngā kākahu - ānō te kiri, me te anuhe tawatawa ngā mahi a te kauri, ngā uhi matarau a Uetonga (N 23).  maunu (3)

3. ‑nga ‑tanga [Tāwhirimātea] Ka tukuna noatia, ka tukuna nuitia, kāore he here, he aha. (i) E kore e marere atu aku kai (W 182). (ii) Ka marere ana moni ki te hunga rawakore.

4. ‑nga ‑tanga [Tāne] Kua riro te mauri ora, kua kore i ora.  mate (1)

5. ‑nga ‑tanga [Papatūānuku] āhua, ing, mahp. Neke noa atu te hoatu (i te kai, i te taonga, i te aha atu), te manaaki rānei i tērā e kimihia ana, e hiahiatia ana; he aroha ki te tangata. Me kōrero te marere o tēnā tangata. Ahakoa te iti kei a ia, ka hoatu noa ki te tangata.  marae (3)

mārere

[Rongo] ing. Te kūmara tuatahi ka āta whakatōkia e te tohunga. I tō rātou taenga atu, e whakatakoto ana ngā tohunga i ā rātou mārere ki te wai (W 182).