This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



marae

1. [Papatūānuku] ing, āhua. Te pito whenua kei mua tonu o te wharenui, o te tipuna whare, o te whare rūnanga rānei e hui ai te iwi. Ka rupeke noa te tangata whenua ki te marae i nohoia e te manuhiri (W 180).  (marae ātea)

ahi marae [Papatūānuku] ing. He umu, e taona ai he kai mā te taua i mua i te haerenga ki te pakanga, kāore te wāhine i kai i tēnei o ngā umu; he umu hei tunu motuhake i ngā ika a te tohunga.  (umu marae)

marae ātea [Papatūānuku] Te pito whenua kei mua tonu o te wharenui, o te tipuna whare, o te whare rūnanga rānei e hui ai te iwi. (i) Kua whakakotahi te iwi ki te marae ātea, kua mau ngā kuia i ō ratōu pare kawakawa (Wh 55, 3). (ii) Ka haere anō te karanga, ngā kōrero, ngā waiata i te marae ātea (Wh 46, 1). {marae, tahua2}

umu marae [Papatūānuku] He umu, e taona ai he kai mā te taua i mua i te haerenga ki te pakanga, kāore te wāhine i kai i tēnei o ngā umu; he umu hei tunu motuhake i ngā ika a te tohunga. Waiho iho taua tununga i te manawa o Hahatiururoa hei ahi marae taua (W 180). {(ahi marae)}

2. [Papatūānuku] ing, āhua. Te pito whenua o tētahi whānau, o tētahi hapū kei reira e tū ana tō rātou whare tupuna, tētahi wharekai, me ētahi atu whare, e whakahaeretia ai ā rātou kaupapa nui. (i) He tangihanga, he mārena, he hui rangatahi ētahi o ngā kaupapa kawea nuitia ai i tō mātou marae. (ii) Kei te whakaritea he noho marae mō ngā mea pīrangi ki te ako i ngā whakapapa o tēnei hapū.

3. ‑tanga [Papatūānuku] āhua, ing, mahp. Neke noa atu te hoatu (i te kai, i te taonga, i te aha atu), te manaaki rānei i tērā e kimihia ana, e hiahiatia ana; he aroha ki te tangata. Kotahi noa iho te pēke kūmara i īnoihia mō te ūhunga, e toru rawa i homai e te koroua marae o rāwāhi rā. {marere, oha2 (1), ohaoha1 (1), tahiti, tawhiti1 (4), wahawaha1}

4. [Papatūānuku] āhua. Tino pai ki te manaaki manuhiri, me te tuwhera tonu o te kāinga ki te tangata. E kore e wareware i a au ngā manaakitanga mai a ngā tāngata marae o taua whenua. {pono1 (3), tahiti, tawhiti1 (3), whakamanuhiri}