This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



mapu

1. ‑nga ‑tanga [Tāne] mahp, ing, āhua. Ka whakaputa oro ukiuki, he mārū, he ngateri anō pea, pērā i te rere a te pī, a te ngaro. Ka mapu te pōtaka (W 180).  tamumu

2. ‑nga ‑tanga [Ranginui & Papatūānuku] Ka tangi me te kihakiha anō o te manawa. Oho ake ki te ao, mapu kau au ki taku moenga (W 180).  hotu (1)

3. ‑nga ‑tanga [Ranginui & Papatūānuku] Ka whakaputa i te hā kia roa tonu, kia rangona tonutia, hei tohu i te ngenge, i te hōhā, i te pōuri, i te tānga o te ihu, i te aha atu. (i) Oho rawa ake i 'tahi rangi, mapu kau noa ana a Pōtiki ki tōna wahine ka riro (TT 92, 973). (ii) Mapu kau ana i te rongonga ko tana tama tētahi o ngā tokorua i oraiti. {harapuka, hotu, kutare, māpuna2 (5), muri2 (2), murimuri, ngunguru, nguru, pūhoto, whakapāha}

4. ‑nga ‑tanga [Tāne] Ka whakahā kia kaha tonu, kia tere tonu, i te pau o te hau ki tētahi mahi, i tētahi taumahatanga rānei. Kei te mapu te kaitā rā, ākuanei pea ka hē te manawa!  kihakiha (1)

5. ‑nga ‑tanga [Rūaumoko] Ka hoihoi te waha ki te kōrero, ki te kata, ki te tangi, ki te aha atu. Ka rongo mātou i a ia e mapu ana, mōhio tonu atu kua riri.  hāparangi1