This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



mano1

1. ‑nga ‑tanga [Tāne] ing, mahp, āhua, tūkē. He tau nui, e rite ana ki ngā rau tekau, ko te 1,000 tōna tohutau. (i) Tata pea ki te kotahi mano tau te iwi Māori i Aotearoa. (ii) Nō te tau kotahi mano, waru rau, whā tekau i hainatia ai te Tiriti o Waitangi.

2. [Tāne] ing. Tētahi rahi nui tonu, e hia kē nei, e hia rau rānei te maha. Kua kapi katoa ngā toka i te mano o ngā kekeno.

mano tini [Tāne] āhua, ing, mahp. E kore e taea te tatau i te tino maha rawa atu. He mano tini te tangata i roto i tēnā parekura i tēnā parekura; nui atu rā pea i ngā tāngata o Niu Tīrani katoa (WM 9, 18). {manomano, rea1 (4)}

3. [Tāne] ing. He huinga tāngata tino tokomaha. Ka rūpeke te mano rā ki runga ki ōna waka (W 176).  tini1 (2)

mano2

mano whenua [Papatūānuku] ing. Te takiwā kei te manawa o tētahi whenua, arā, kei tuawhenua noa atu. Ka tukuna a Tamarau, ka hoki ia ki Waikaremoana, ka noho atu i reira tae noa ki te wā ka whāia mai a Te Kooti ki te mano whenua o Te Urewera (TTR 2, 115).

mano wai [Tangaroa] He wai hōhonu e rere ana. He rākau ka hinga ki te mano wai (W 176).

mano wai [Whiro] He aituā ko te wai te pūtakenga mai. (i) I runga anō koe i ngā puke rarahi, i raro anō ia i te mano wai (W 176). (ii) He rākau ka hinga ki te mano wai (W 176). (iii) E hia rau ngā tāngata i toremi i te mano wai.

wai mano whenua [Tangaroa] He puna wai ka pupū ake i te manawa o te whenua, e kore e mimiti. Ko te puna i Hamurana, he wai mano whenua tērā.  manawa (manawa whenua)