This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



manana

1. ‑tanga [Ranginui & Papatūānuku] mahp, ing, āhua. Kua kore i rere tōtika, kua whai koki kē. Me manana anō ngā waewae ka oma ana te tangata.  kopa1 (1)

2. ‑tanga [Tāwhirimātea] Ka pīoioi mai i tētahi taha ki tētahi taha. (i) E manana ana te hikumārō o te tute (W 173). (ii) Ka manana te haki o tō rātou rōpū i a rātou e hīkoi ana.

3. ‑tanga [Ranginui] Ka piki, ka neke rānei ki runga. Tangohia ana te taupoki o te kōhua, manana ake ana te kakara o te kai ki tōna ihu.  ara2 (2)

4. ‑tanga [Tūmatauenga] Ka hī i ngā pewa (hei tohu). (i) Manana mai ana ia ki a au (W 173). (ii) Kia manana atu au ki a koe, kua mōhio koe he aha te mahi hei mahi māhau.

5. ‑tanga [Ranginui & Papatūānuku] Ka tino tere te kati i te karu kotahi, ka huaki anō ai. Tērā tonu pea he tohu. I kī atu au māna e manana mai, ki te whakaae ia ki te utu.  kemo (3)

6. ‑tanga [Tūmatauenga] Ka nuku whakarunga, whakararo te māhunga hei tohu i te whakaae, i te mihi, i te mārama, i te aha atu. Ka titiro atu au ki taku hoa, ka manana mai ia, ka mōhio au kua pai te haere atu.  tungou (1)

7. [Tāne] ing. He rākau ka herea he pūpū noke, he pūpū huhu rānei ki tētahi pito, ka toua atu ki te wai ki te toitoi tuna, ki te toitoi kōkopu. Mā te tupana i te manana e rere atu ai te matau ki tawhiti.  matira (1)