This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



maitai

1. ‑tanga [Ranginui & Papatūānuku] āhua, ing, mahp. Tino pai rawa atu te āhua ki te tirohanga kanohi, ki te taringa, ki te ngākau rānei. He rangi maitai, kāore he kapua i te rangi, e hehengi kau ana te matangi.  ātaahua (2)

2. [Papatūānuku] ing, āhua. He konganuku, he ranunga konganuku rānei ka whakamahia hei hanga taputapu. (i) Kua whakarērea ngā toki me ngā uhi pounamu mō te maitai (Wh 26, 2). (ii) Nō te taenga mai o te Pākehā, ka whakarērea ake ngā whao kōhatu, ka tahuri atu ki ngā whao maitai (TTR 2, 98).

taringa maitai [Tūmatauenga] ing. He tangata kāore e aro ake, e whakarongo ki ngā whakaaro, ki ngā tohutohu a tētahi atu, ka ū tonu ki tāna ahakoa pēhea. Ahakoa te tika o ō kōrero, ka mau tonu te taringa maitai rā ki tāna.  kakī1 (kakī mārō)

taringa maitai [Tūmatauenga] āhua, ing, mahp. Kāore e whakarongo.  kōroiroi (taringa kōroiroi)

3. [Papatūānuku] ing, āhua. He konganuku aukume, he hiriwa kiwikiwi te tae, he mārō, he kaha, he kōngohe, whakamahia nuitia ai hei hanga taputapu. (Tohu pūtaiao: Fe) E huri tātau ki mauī i konei kia ahu tā tātau haere ki te taiepa maitai e tū mai rā (HP 205).  rino (2)