This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



maire1

1. [Tāne] ing. He rākau e 20 mita te tupu, he whāiti ngā rau, he pūngarungaru tāwhitiwhiti kei ngā tapa, he kārikiuri a runga, he horotea te angamate, he karera, he tuawhiti, he pūhui roa te tupu o ngā pua, he whero, he kōwhai rānei ngā ponguru. Nestegis cunninghamii. {(maire raunui), pau2}

maire raunui [Tāne] He rākau e 20 mita te tupu. Nestegis cunninghamii.  maire1 (1)

2. [Tāne] He rākau 15 mita te tupu, he rau whāiti kōratarata a runga, horotea te angamate, he pua kahotea tuawhiti pūhui roa te tupu, he whāiti, he whero ngā ponguru. Nestegis lanceolata. {(maire rauriki)}

maire rauriki [Tāne] He rākau 15 mita te tupu. Nestegis lanceolata.  maire1 (2)

3. [Tāne] He rākau e 6 mita te tupu, he rau kōratarata pūngarungaru ngā tapa, he hua karera ririki pūhui roa te tupu, he waiporoporo ngā ponguru, he kōtingotingo mā kei runga. Nestegis apetala.

maire taiki [Tāne] He rākau e 6 mita te tupu, he rau hohoko, he whāiti, he roroa, he kōratarata a runga, he horotea te angamate, he mā ngā pua, he whero ngā hua pōī te tupu. Mida salicifolia. {tāiko}

maire tawake [Tāne] He rākau 15 mita te tupu, he rau pinerua pūngarungaru ngā tapa, he hōpūpū whero kei ngā rau, he pua poi taratara mā pōī te tupu, he hua whero; ngā hua o tēnei rākau; te maire tawake kua tuaina, kua tāraia; he papa kua kania mai i te maire tawake. Syzygium maire. {(maire tawhake), puka1 (3), tuhuhi2, whāwhākou}

maire tawhake [Tāne] He rākau 15 mita te tupu. Syzygium maire.  (maire tawake)

maire2

[Tūmatauenga] ing. He kupu whai rangi ka titoa hei whakaputa whakaaro mō tētahi kaupapa, mō tētahi tangata rānei. Ka rongo ia ki te maire a Uenuku i roto i Wharekura (W 167).  waiata (2)

whare maire [Tāne] Te whare, te wāhi rānei e whāngaia ai ngā tauira ki ngā āhuatanga o te kauwae runga. He maha anō ngā kaupapa tapu i ākona i roto i ngā whare wānanga me ngā whare maire.  wānanga (whare wānanga)

whare maire [Whiro] Te whare i whakaakona ai ngā mātauranga o te kete tuatea. Ko te whare maire, he whare mākutu e whakaakona ana ngā tāngata ki reira ki te patu tangata (W 168).