This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



mai1

[Tāne] pmi. E tohu ana i te ahunga o tētahi mahi, o tētahi āhuatanga ki te kaikōrero, ki te tangata matua rānei e kōrerotia ana. (i) Haere mai, kia awhi tāua. (ii) Kaua e pātai mai ki tēnei hinengaro makere nei. (iii) I te hokinga mai i tāwāhi, ka neke mai ia ki Ōtautahi nei mahi ai. (iv) Mai i taua wā, kua noho hoa piripono māua. (v) Māori mai, Pākehā mai, aha mai - he rawe katoa ki a au. (vi) Kua kite mai te wahine rā, karanga tonu mai . . . ka karanga mai ngā hoa ki a Paoa (W 166).

mai2

1. [Tāne] ing, āhua. He ingoa whānui mō ngā uwhi tinana ka whakamaua e te tangata. Tae atu ana ngā tāngata rā, makere ana ngā mai, tū tahanga ana ki te haka.  kākahu (1)

2. [Tāne] ing. He kākahu kaitara hei ārai atu i te ua, ka whatua ki te harakeke, kaua ki te muka.  hautai (3)

mai3

[Tūmatauenga] ing. He haka hei whakatau i te manuhiri ki te tangihanga. {maimai}

māī1

1. ‑tanga [Rongo] mahp, ing, āhua. Kua kawa i te roa e noho noa ana; kua wāwāhia ngā matū (o tētahi kai) e te huakita, e te īhi, e tētahi atu momo moroiti rānei, e puta ai he waipiro, he waikawa rānei. (i) He pai ake ngā kuku māī i ngā mea kātahi tonu ka puta mai i te moana. (ii) Ki te noho roa te miraka ki te tēpu i te rangi mahana, ka tepe, ka māī.  moī (1)

2. [Tangaroa] ing. He tuangi, he kuku, he pipi, he aha atu ka tangohia i ngā anga, ka waiho kia moī i mua i te tunuhanga.  paruparu2

māī2

[Tāne] ing. He rākau e 25 mita te tupu. Prumnopitys taxifolia.  mataī