This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kuru1

1. ‑a ‑ngia ‑tia ‑nga ‑tanga [Tūmatauenga] mahw, ing, āhua. Ka patu ki te ringa kua kukua. Kāti te kuru i te māhunga o te tangata nā, kei hemo!  meke

2. ‑a ‑nga ‑tanga [Tūmatauenga] Ka rite tonu, ka kaha tonu te paopao ki tētahi taputapu pērā i te pōtuki, i te tā. (i) Ka kurua te aruhe kia wehe mai ai te kai i te kaka. (ii) Kātahi ka rere tētahi o aua Pākehā ki rō te wai ka kurua te upoko o te ika nei ki te rākau (WMA 3, 72). {āki, pao1 (2), paoi, pehu5, tārau1, tuki}

3. ‑a ‑ngia ‑tia ‑nga ‑tanga [Tūmatauenga] Ka rite tonu te haupatu ki tētahi hanga pērā i te kōhatu, he mea whiu e te ringa. Ka aroha te wahine o taua whenua i kurua e te marea - me kuru kē ko te tāne nāna ia i hapū ai. {epa, epaepa, karaepa, karaepaepa, opa, whākuru}

4. ‑a ‑ngia ‑tia ‑nga ‑tanga [Tūmatauenga] Ka korowhiti i te ringa ki te tuku i tētahi mea kia rere ki te takiwā, ki tawhiti rānei. He tohunga tonu ia ki te kuru i ngā kōhatu papatahi kia ripi i te mata o te wai.  whiu1 (1)

5. [Tāne] ing. He taputapu hei paopao ka puritia ki te ringa. Ka paopao te tohunga whakairo i te whao ki te kuru. {1 (11)}

6. [Tangaroa] He taonga ka tāraia ki te pounamu. (i) I te heitiki ētahi, i te kuru pounamu ētahi, ko te ingoa o taua kuru ko Kaukaumatua (W 159). (ii) He kuru tongarerewa (W 159).

7. [Tāne] He rākau nō Te Moana-nui-a-Kiwa, he porotaka, he kākāriki, he kākano kore ngā hua; ngā hua o te rākau nei. Kia tunutunua ki te ahi hei kai, he rite ki te parāoa. Ko te kuru whakamarumaru o te whare o Uenuku (W 159).

kuru2

[Tāne] ing. He harakeke pai mō te mahi muka. Phormium tenax.

kuru3

‑nga ‑tanga [Ranginui & Papatūānuku] mahp, ing, āhua. Kua pau te hau, kua pau te kaha, mā te whakangā rawa, mā te moe rawa e whai kaha anō ai. Kuru rawa i aku iwi, kohi rawa i aku kiko (W 159).  ngenge1