This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kura1

1. ‑nga [Ranginui] āhua, ing, mahp. E rite ana ki te toto hauora te tae. He kahu kura te kākahu (W 157).  whero1 (1)

2. ‑nga [Ranginui & Papatūānuku] E kaingākautia ana, e noho taonga ana ki te tangata. He whenua kura, he wahine ātaahua, he patu pounamu, he taonga nui.  kahurangi (3)

3. ‑nga [Ranginui] mahp, ing, āhua. Ka whero mai, pērā i ngā konga o te ahi. Hei tā ētahi, ko te ata kura, he tohu marangai.  ura (2)

kura huna [Tāne] ing. He mātauranga hira, he tino whai mana. Tērā e hoki mai te Māori, ā tōna wā, ki te kimi i aua mea i whiua atu e ia ki wīwī, ki wāwā. Ko te Pākehā anake i tahuri ki te pupuri i ngā kura huna, i ngā reo a ngā kaumātua (TT 22, wh4).

4. [Tāne] He huruhuru manu whero ka mahia hei tope, hei whakakai, hei whakarākei rānei. (i) He mea whatu ngā taha katoa o te haki ki te kura kākā, he kura kākā te tope kura, he mea tūī (PH 3, 7). (ii) Kua ara te kura o tōna taiaha ki runga. (iii) He kura, arā he pōhoi whero kei ngā taringa.

5. [Papatūānuku] He oneone i tahuna kia whero, ka konatua ki te hinu hei pani. Ka pania te kākahu ki te kura.  kōkōwai (1)

6. [Ranginui] He mea e kaingākautia ana, he nui rānei te utu, kāore rānei e tino kitea. (i) He kura kāinga e hokia; he kura tangata e kore e hokia (W 157). (ii) Taku kura tangi whakaingoingo (W 157).  taonga (2)

7. [Rongo] He momo kūmara whero i tohua hei kai mā te tohunga me te ariki anahe.

8. [Tūmatauenga] Te upoko, te kaiārahi o tētahi iwi, he tangata whai mana i roto i te iwi. Ina hinga te kura, ka raru te iwi.  rangatira (1)

9. [Tāne] Ngā mātauranga, ngā mōhiotanga ki ngā karakia me ngā kōrero whai tikanga, whai mana o te iwi.  wānanga (1)

10. [Tāne] He punua kuaka. Limosa lapponica baueri.

11. [Tāne] He manu noho wao. Nestor meridionalis.  kākā

12. [Tūmatauenga] Te mana atua me ōna here ka noho i runga i ngā momo mea maha tae noa ki te tangata, ki te takahia, he aituā, he mate rānei ka pā; ka taea hoki te whakanoho mai, te hiki, te whakanoa rānei. Kua whati hoki te kura, arā, te kura o te tapu (W 158).  tapu (4)

13. [Ranginui & Papatūānuku] ing, āhua. He kupu e tohu ana i te tangata e aroha nuitia ana. Taku kura, taku whakakai marihi.  tau3 (3)

14. [Tāne] ing. reo kē. He wāhi e haere ai te tamariki ki te whai i te mātauranga. I a au i te kura, he pai au ki te kōrero pukapuka, engari kāore au i tino pai ki te pāngarau. {(whare kura)}

kura kaupapa Māori [Tāne] He kura mō ngā tamariki mai i te rima ki te tekau mā rua tau te pakeke, ko te reo Māori te reo whakaako, he Māori anō ngā tikanga whakahaere. Ko te pai o te kura kaupapa Māori ka kōrerotia te reo Māori i ngā wā katoa, ko te mate, he uaua te kimi kaiwhakaako i ētahi wā.

kura māhita [Tāne] reo kē. He tangata ko tāna mahi, he āta whāngai i te ākonga ki te mātauranga. Manaakitia mai ā tātou kura māhita, ngā kaiārahi i ā tātou tamariki i ngā mokopuna me te iwi (TT 3, wh10).  kaiako

kura tuarua [Tāne] ing, āhua. He kura mō ngā taiohi tekau mā rua ki te tekau mā waru tau te pakeke. Ka mutu ngā tamariki i te kura tuatahi, ka haere ki te kura tuarua. {haikura, kāreti3}

kura tuatahi [Tāne] ing. He wāhi whakaako tamariki mai i te rima ki te tekau mā rua tau te pakeke. Ka mutu taku tamaiti i te kōhanga reo ka haere ki te kura tuatahi.

whare kura [Tāne] ing, pīa. Te whare, te wāhi rānei e whāngaia ai ngā tauira ki ngā āhuatanga o te kauwae runga.  wānanga (whare wānanga)

whare kura [Tāne] ing. reo kē. He wāhi e haere ai te tamariki ki te whai i te mātauranga. Ko ngā tamariki kua tae noa atu ki te whare kura tū mai ai (PH 4, 20).  kura1 (14)

kura2

‑ina ‑ngia ‑tia ‑nga ‑tanga [Tūmatauenga] mahw, ing, āhua. Ka kikini iho (i te kutu, i te riha) ki ngā matikara, ka tango ake i te mātenga, i te weu. Ka tūpono atu e kura kutu ana i te māhunga o tana tamaiti.  hākure